សេចក្តីលម្អិត៖: ក្រុមហ៊ុន ភ្នំពេញ អេសអ៊ីហ្សិត ភីអិលស៊ី មានសេចក្តីសោមនស្សរីករាយសូមជម្រាបជូនថា មជ្ឈត្តកម្មដែលដាក់ពាក្យបណ្ដឹងដោយ Colben ប្រឆាំងនឹង PPSP ឥឡូវនេះត្រូវបានបញ្ចប់។ មជ្ឈមណ្ឌលអន្តរជាតិនៃមជ្ឈត្តការសិង្ហបុរី (Singapore International Arbitration Centre )នៅថ្ងៃទី ២៥ ខែមេសា ឆ្នាំ ២០២២ បានធ្វើមជ្ឈវិនិច្ឆ័យស្ថាពរដូចខាងក្រោម៖ ១. (ក) Colben ត្រូវបង់ទឹកប្រាក់សរុបចំនួន SGD ៤៧២.៥០០ និង USD ១១២.៥៧៦,៥៧ ទៅឱ្យ PPSP ទាក់ទងនឹង ការចំណាយដោយ PPSP ជាលទ្ធផលនៃការដកពាក្យបណ្តឹងរបស់ Colben នៅមជ្ឈត្តកម្ម។ (ខ) ការទាមទារសំណងរបស់ PPSP ត្រូវបានច្រានចោល។ (គ) PPSP គឺត្រូវបង់ថ្លៃចំណាយ Colben ដែលកើតឡើងក្នុងការការពារការទាមទារសំណងសរុប SGD ១០៤.៥១០,៤៧ និង (ឃ) ថ្លៃសេវា និងការចំណាយរបស់ស្ថាប័នមជ្ឈត្តកម្ម និងសាលាក្តីដែលកើតឡើងក្នុងមជ្ឈត្តកម្មគឺត្រូវចែករំលែករវាងភា គីវិវាទនៃមជ្ឈត្តកម្មក្នុងសមាមាត្រ ៧៥% ពោលគឺ SGD ៨៧.៨៥៣,៧៥ ដោយ Colben និង ២៥% ពោលគឺ SGD ២៩.២៨៤,៥៨ ដោយ PPSP ។ ២.មជ្ឈវិនិច្ឆ័យស្ថាពរគឺស្ថិតនៅក្នុងការដោះស្រាយពេញលេញនៃការទាមទារទាំងអស់ទាក់ទងនឹងការទាមទារសំណងដោយ PPSP និងអាជ្ញាកណ្តាលផងដែរ។ ៣. យោងតាមមជ្ឈវិនិច្ឆ័យស្ថាពរ ប្រសិនបើការទូទាត់ដែលបានផ្តល់ក្នុង (ក), (គ) និង (ឃ) ខាងលើមិនត្រូវបានធ្វើឡើងមុន៣០ថ្ងៃបន្ទាប់ពីកាលបរិច្ឆេទនៃមជ្ឈវិនិច្ឆ័យស្ថាពរ ការប្រាក់សាមញ្ញក្រោយមជ្ឈវិនិច្ឆ័យស្ថាពរក្នុងអត្រា ៥,៣៣% ក្នុងមួយឆ្នាំនឹងត្រូវបានទទួលដោយចាប់ផ្តើម៣០ថ្ងៃបន្ទាប់ពីកាលបរិច្ឆេទនៃមជ្ឈវិនិច្ឆ័យស្ថាពររហូតដល់ពេលដែលការទូទាត់ត្រូវបានធ្វើឡើង។ អាស្រ័យដូចបានជម្រាបជូនខាងលើ សូមវិនិយោគិន និងសាធារណជនទទួលជ្រាបដោយក្ដីអនុគ្រោះ ។