១ - ទម្រង់នៃការបែងចែកភាគលាភ | ជាសាច់ប្រាក់ |
២ - ចំនួនភាគលាភសរុប | ៨៤៦.៤៦១.៤៧៨ រៀល |
៣ - អនុបាតនៃការបែងចែកភាគលាភ | ៤៥,៨៨% |
៤ - ចំនួនភាគលាភក្នុងមួយភាគហ៊ុន | ១៣១ រៀល |
៥ - រយៈពេលនៃភាគលាភ | ប្រចាំឆ្នាំ |
៦ - កាលបរិច្ឆេទប្រកាសបញ្ជីឈ្មោះភាគហ៊ុនិកដែលត្រូវទទួលភាគលាភ | 2022-06-14 |
៧ - កាលបរិច្ឆេទទូទាត់ភាគលាភ | 2022-06-23 |
៨ - កាលបរិច្ឆេទនៃសេចក្តីសម្រេច | 2022-05-31 |
៩ - បរិយាយ |
ក្រុមហ៊ុន ឌី ប៊ី ឌី អ៊ិនជីនារីង ម.ក មានកិត្តិយសសូមជម្រាបជូនដំណឹងដល់ភាគហ៊ុនិកដែលកាន់កាប់ភាគហ៊ុនមានសិទ្ធិបោះឆ្នោតទាំងអស់របស់ក្រុមហ៊ុនឌី ប៊ី ឌី អ៊ិនជីនារីង ម.ក មេត្តាជ្រាបថា ក្រុមហ៊ុននឹងធ្វើការបែងចែកភាគលាភជូនភាគហ៊ុនិកដែលកាន់កាប់ភាគហ៊ុនមានសិទ្ធិបោះឆ្នោតសម្រាប់ឆ្នាំ២០២១ ដែលនឹងត្រូវស្នើឡើងក្នុងអំឡុងពេលកិច្ចប្រជុំមហាសន្និបាតភាគហ៊ុនិករបស់ក្រុមហ៊ុន ឌី ប៊ី ឌី អ៊ិនជីនារីង ម.ក តាមការកំណត់ដូចខាងក្រោម: ១. ប្រភេទភាគលាភដែលបានបែងចែក : ជាសាច់ប្រាក់ ២. រយៈពេលភាគលាភ : ប្រចាំឆ្នាំ២០២១ ៣. អនុបាតនៃការបែងចែកភាគលាភ : ៤៥,៨៨% ៤. ភាគលាភសរុបដែលត្រូវបែងចែក : ៨៤៦.៤៦១.៤៧៨ រៀល ៥. ភាគលាភក្នុងមួយ ឯកតាមូលបត្រកម្មសិទ្ធិ : ១៣១ រៀល ៦. កាលបរិច្ឆេទកំណត់ទុក : ១៤ មិថុនា ២០២២ ៧. កាលបរិច្ឆេទចាប់ផ្តើមទូទាត់ភាគលាភពី : ២៣ មិថុនា ២០២២ ដល់ ០១ កក្កដា ២០២២ បញ្ជាក់ : ១. សេចក្តីសម្រេចនេះនឹងត្រូវបានបញ្ជាក់ ឬអនុម័តក្នុងអំឡុងពេលកិច្ចប្រជុំមហាសន្និបាតភាគហ៊ុនិករបស់ក្រុមហ៊ុន។ ២. ភាគហ៊ុនិកដែលមានសិទ្ធិទទួលបានភាគលាភ ជាភាគហ៊ុនិកដែលមានឈ្មោះនៅក្នុងបញ្ជីឈ្មោះភាគហ៊ុនិកផ្លូវការដែលទទួលបានពីបញ្ជីភាគហ៊ុនិកបណ្តោះអាសន្នដែលបាន រៀបចំឡើងនៅថ្ងៃទី១០ ខែមិថុនា ឆ្នាំ២០២២។ ៣. ភាគហ៊ុនិកដែលលក់មូលបត្រកម្មសិទ្ធិរបស់ខ្លួននៅថ្ងៃទី១៣ ខែមិថុនា ឆ្នាំ២០២២ នៅមានសិទ្ធិទទួលបានភាគលាភដដែល។ ៤. ភាគហ៊ុនិកដែលទិញមូលបត្រកម្មសិទ្ធិរបស់ក្រុមហ៊ុននៅថ្ងៃទី១៣ ខែមិថុនា ឆ្នាំ២០២២ នឹងមិនមានសិទ្ធិទទួលបានភាគលាភ ដូចបានកំណត់ខាងលើ។ ៥. ការទូទាត់ភាគលាភ ចាប់ផ្តើមពីថ្ងៃទី២៣ ខែមិថុនា ឆ្នាំ២០២២ ដល់ថ្ងៃទី០១ ខែកក្កដា ឆ្នាំ២០២២ នៅរៀងរាល់ថ្ងៃធ្វើការ។ |
១០ - មូលហេតុ |
ក្រុមហ៊ុន ឌី ប៊ី ឌី បានសម្រេចបែងចែកភាគលាភ ដោយសារក្រុមហ៊ុនបានទទួលប្រាក់ចំណេញសម្រាប់ចុងឆ្នាំ២០២១ និងស្របទៅតាម គោលនយោបាយបែងចែកភាគលាភរបស់ក្រុមហ៊ុន ឌី ប៊ី ឌី ដែលមានការធានាទិន្នផលភាគលាភអប្បបរមាប្រចាំឆ្នាំស្មើនឹង ៥,៥% សម្រាប់ភាគហ៊ុនិក ដែលកាន់កាប់ភាគហ៊ុនមានសិទ្ធិបោះឆ្នោតប្រភេទ "ក"។ |
បានបង្ហោះនៅថ្ងៃទី 31-May-2022
សេចក្តីជូនដំណឹង ស្តីពីការបែងចែកភាគលាភរបស់ក្រុមហ៊ុន ឌី ប៊ី ឌី អ៊ិនជីនារីង ម.ក.pdf