ក្នុងត្រីមាសទី២ ឆ្នាំ២០២២ អិលអូអិលស៊ី (ខេមបូឌា) ភីអិលស៊ី មានចំណូលការប្រាក់សរុបចំនួន ២១៣.៦៥០ លានរៀល កើនជាងត្រីមាសទី២ ឆ្នាំ២០២១ ចំនួន ៣៧.៩៤២ លានរៀល ស្មើនឹង ២១,៥៩% និងចំណេញសុទ្ធក្នុងការិយបរិច្ឆេទសរុបចំនួន ៦២.៥៤៨ លានរៀល កើនឡើង ចំនួន ១២.០២៤ លានរៀល ស្មើនឹង ២៣,៨០% បើធៀបនឹងត្រីមាសទី២ ឆ្នាំ២០២១។ សម្រាប់រយៈពេល ៦ ខែ គិតត្រឹមថ្ងៃទី ៣០ ខែមិថុនា ឆ្នាំ២០២២ អិលអូអិលស៊ី (ខេមបូឌា) ភីអិលស៊ី មានចំណូលការប្រាក់សរុបចំនួន ៤១២.១៤៧ លានរៀល កើនចំនួន ៦៤.៧៨៤ លានរៀល ស្មើនឹង ១៨,៦៥% បើធៀបនឹងរយៈពេល៦ ខែ គិតត្រឹមថ្ងៃទី៣០ ខែមិថុនា ឆ្នាំ២០២១ និងចំណេញសុទ្ធ មានចំនួន ១១៩.៤១៦ លានរៀល កើន ចំនួន ២១.៦៦៧ លានរៀល ស្មើនឹង ២២,១៧% បើធៀបនឹងរយៈពេល ៦ ខែ គិតត្រឹមថ្ងៃទី ៣០ ខែមិថុនា ឆ្នាំ២០២១។ នាថ្ងៃទី៣០ ខែមិថុនា ឆ្នាំ២០២២ នេះដែរ ទ្រព្យសកម្មសរុប របស់ អិលអូអិលស៊ី (ខេមបូឌា) ភីអិលស៊ី មានចំនួន ៥.៨១០.១៤៣ លានរៀល កើន ចំនួន ៨៧៥.០៨២ លានរៀល ស្មើនឹង ១៧,៧៣% និងមូលធនសរុប មានចំនួន ១.០៧៤.៥៩៨ លានរៀល កើនចំនួន ១១៩.៤១៦ លានរៀល ស្មើនឹង ១២,៥០% បើធៀបនឹង ៣១ ខែធ្នូ ឆ្នាំ២០២១។ សូចនាករសំខាន់ៗសម្រាប់ត្រីមាសទី២ ឆ្នាំ២០២២មានដូចខាងក្រោម៖ ១ អត្រាចំណេញលើមូលនិធិភាគទុនិកជាមធ្យម : ៦,១៦% ២ អត្រាចំណេញលើទ្រព្យសកម្មជាមធ្យម : ១,១៦% ៣ អនុបាតផលប័ត្រឥណទានធៀបនឹងទ្រព្យសកម្ម : ៨៤,៧៩% ៤ ចំណាយប្រតិបត្តិការធៀបនឹងផលប័ត្រឥណទានជាមធ្យម : ១,១៩% ៥ អនុបាតចំណាយធៀបនឹងចំណូល : ៦៥,៣៤% ៦ អត្រាចំណូលលើផលប័ត្រឥណទានជាមធ្យម : ៤,៦៧% ៧ អនុបាតសាធនភាព : ២៣,២៥% ៨ អនុបាតហានិភ័យផលប័ត្រឥណទាន >=៣០ថ្ងៃ : ២,៣៨% ៩ អនុបាតប្រាក់បញ្ញើធៀបនឹងផលប័ត្រឥណទាន : ៦០,៧៧% ១០ ចំនួនអតិថិជន : ៣៤១.០៩៩ ១១ ចំនួនបុគ្គលិក : ៣.៤៧៦ ១២ ចំនួនការិយាល័យ : ៨១ |