របាយការណ៍ប្រចាំត្រីមាសទី៣ នៃឆ្នាំ២០១២ និង របាយការណ៍ព័ត៌មានហិរញ្ញវត្ថុក្នុងគ្រាសង្ខេប របស់រដ្ឋាករទឹកស្វយ័តក្រុងភ្នំពេញ ១. រដ្ឋាករទឹកស្វយ័តក្រុងភ្នំពេញ - លេខកូដស្តង់ដារ ៖ KH1000010004 - និមិត្តសញ្ញា៖ រទសភ ២. សេចក្តីលម្អិត ក្នុងត្រីមាសទី៣ សម្រាប់ដំណាច់ការិយបរិច្ឆេទ ៣ ខែ ថ្ងៃទី៣០ ខែកញ្ញា ឆ្នំា២០១២ រដ្ឋាករទឹកស្វយ័តក្រុងភ្នំពេញ មានចំណូលសរុបចំនួន ៣៥.២១៤.៤៥២.០០០ រៀល កើនលើសត្រីមាស ទី៣ សម្រាប់ដំណាច់ការិយបរិច្ឆេទ ៣ ខែ ថ្ងៃទី៣០ ខែកញ្ញា ឆ្នាំ២០១១ ចំនួន ២២,៩៥% និងចំណេញសុទ្ធក្រោយបង់ពន្ធ ៧.៩៨១.៧២៦.០០០ រៀល មានការថយចុះ ចំនួន២៩,០០% បើប្រៀបធៀបនឹង ត្រីមាសទី៣ សម្រាប់ដំណាច់ការិយបរិច្ឆេទ ៣ ខែ ថ្ងៃទី៣០ ខែកញ្ញា ឆ្នាំ២០១១។ ​​​ ចំណែកឯ សម្រាប់ដំណាច់ការិយបរិច្ឆេទ ៩ ខែ ថ្ងៃទី៣០ ខែកញ្ញា ឆ្នំា២០១២ រដ្ឋាករទឹក ស្វយ័តក្រុងភ្នំពេញ មានចំណូលសរុបចំនួន ៩៧.៧០១.៥៨៤.០០០ រៀល កើនលើស ចំនួន ១៣,៦៥% បើធៀបនឹងដំណាច់ការិយបរិច្ឆេទ ៩ ខែ ថ្ងៃទី៣០ ខែកញ្ញា ឆ្នំា២០១១ និងចំណេញសុទ្ធ ក្រោយបង់ពន្ធ ២៥.៤៣៤.៤២៧.០០០ រៀល កើនឡើងលើស ដំណាច់ការិយបរិច្ឆេទ ៩ ខែ ថ្ងៃទី៣០ ខែកញ្ញា ឆ្នំា២០១១ ចំនួន ១១,៣៥% ។ នៅចុងការិយបរិចេ្ឆទនេះដែរ ទ្រព្យសកម្មសរុបបាន កើនឡើងរហូតដល់ ៩៦៦.៥៣១.៨២០.០០០ រៀល និង មូលធនភាគហ៊ុនកើនឡើងរហូត ដល់ ៥៤១.២១៧.៨៥៩.០០០រៀល។ សូចនករសំខាន់ៗ សម្រាប់ដំណាច់ការិយបរិច្ឆេទ ៩ខែ ថ្ងៃទី៣០ ខែកញ្ញា ឆ្នំា២០១២ មានដូចខាងក្រោម៖ ១. អនុបាតចរន្ត ៖ ៤,៤៩ ដង ២. អនុបាតចរន្តលឿន៖ ៣,៣២ ដង ៣. ផលចំណេញក្នុងមួយឯកតាទ្រព្យសកម្ម៖ ២,៧៨% ៤. ផលចំណេញក្នុងមួយឯកតាមូលធន៖ ៤,០៧% ៥. អនុបាតជុំបង្វិលទ្រព្យសកម្ម៖ ០,១១ ដង ៦. ថ្លៃលក់ទឹកមធ្យម៖ ១.០០៣,៦៣ រៀល/ម៣ ៧. ថ្លៃដើមមធ្យម៖ ៩៦៦,៥១ រៀល/ម៣ ៨. ថ្លៃដើមផលិតមធ្យម៖ ៣០២,១០ រៀល/ម៣ ៩. បរិមាណប្រើប្រាស់អគ្គិសនី (វ៉ាត់/ម៉ែត្រគូប)៖ ២៧៧ (វ៉ាត់/ម៣) ១០. សន្ទស្សន៍និយោជិត ធៀបអតិថិជន៖ ២,៦២ (នាក់/១០០០អតិថិជន) សម្រាប់ទិសដៅត្រីមាសបន្ទាប់ រ.ទ.ស.ភ.សង្ឃឹមថានឹងទទួលបានចំណេញសុទ្ធក្រោយបង់ពន្ធ មិនតិចជាង ៨.៤៣៦ លានរៀលដូចដែលបានអនុម័តដោយក្រុមប្រឹក្សាភិបាល និង ក្រសួង អាណាព្យាបាលទាំងពីរ។ សូមអានរបាយការណ៍ប្រចាំត្រីមាសទី៣ និង របាយការណ៍ព័ត៌មានហិរញ្ញវត្ថុក្នុងគ្រា សម្រាប់ឆ្នាំ២០១២ ដូចមានក្នុងឯកសារយោង។