|
ក្នុងត្រីមាសទី៣ឆ្នំា២០២២ កំពង់ផែស្វយ័តក្រុងព្រះសីហនុ មានចំណូលសរុបចំនួន៨៥.១១៧.៣៦៤.០០០រៀល ថយចុះជាងក្នុងត្រីមាសទី៣ ឆ្នំា២០២១ ចំនួន ២.៤០៦.២១៧.០០០រៀល ស្មើនឹង២,៧៥% និងចំណេញសុទ្ធក្នុងការិយបរិច្ឆេទចំនួន ២០.២៣៥.៣៨៧.០០០រៀល កើនឡើងចំនួន១.៩១៥.៧៦៥.០០០រៀល ស្មើនឹង ១០,៤៦%។ សម្រាប់រយៈពេល៩ខែ គិតត្រឹមថ្ងៃទី ៣០ ខែ កញ្ញា ឆ្នាំ ២០២២ កំពង់ផែស្វយ័តក្រុងព្រះសីហនុ មានចំណូលសរុបចំនួន ២៦៦.៧៣០.៧០៧.០០០ រៀល កើនឡើងចំនួន១២.០៥៨.៤៥៩.០០០ រៀល ស្មើនឹង ៤,៧៣% បើធៀបនឹងរយៈពេល ៩ខែ គិតត្រឹមថ្ងៃទី ៣០ ខែ កញ្ញា ឆ្នាំ ២០២១ និងចំណេញសុទ្ធក្នុងការិយបរិច្ឆេទចំនួន ១១០.០១៩.១៣៦.០០០រៀល កើនឡើងចំនួន ៤០.៨១៨.៣៣៩.០០០ រៀល ស្មើនឹង ៥៨,៩៩% បើធៀបនឹងរយៈពេល ៩ខែ គិតត្រឹមថ្ងៃទី ៣០ ខែ កញ្ញា ឆ្នាំ ២០២១។ នាថ្ងៃទី៣០ ខែ កញ្ញាឆ្នាំ២០២២នេះដែរ ទ្រព្យសកម្មសរុបរបស់ កំពង់ផែស្វយ័តក្រុងព្រះសីហនុ មានចំនួន ១.៤២៥.៣៨៧.៤០២.០០០រៀល ថយចុះចំនួន ១.៧៦២.២៦៨.០០០រៀល ស្មើនឹង ០,១២% និងមូលធនសរុប មានចំនួន ៨៧៧.៨០៦.០២៧.០០០រៀល កើនឡើងចំនួន ៩៣.៩១១.៨៦៨.០០០រៀល ស្មើនឹង ១១,៩៨%។ សូចនករសំខាន់ៗសម្រាប់ត្រីមាសទី៣ ឆ្នាំ២០២២ មានដូចខាងក្រោម៖ ១-អនុបាតចរន្ត ២,៥២ ដង ២-អនុបាតចរន្តលឿន ២,១៨ ដង ៣-អនុបាតចំណេញធៀបនឹងទ្រព្យសកម្ម ១,៤២% ៤-អនុបាតចំណេញធៀបនឹងមូលធន ២,៣១% ៥-អនុបាតគំលាតចំណេញដុល ១៥,៦០% ៦-អនុបាតគំលាតចំណេញភាព ២៣,៧៧% ៧-អនុបាតលទ្ធភាពសងការប្រាក់ ១១,១៥ ដង ៨-ចំណេញក្នុងមួយឯកតាមូលបត្រកម្មសិទ្ធិ ២៣៥,៩២ រៀល |
