របាយការណ៍ប្រចាំត្រីមាសទី៤ ឆ្នាំ២០១២ របស់រដ្ឋាករទឹកស្វយ័តក្រុងភ្នំពេញ ១. រដ្ឋាករទឹកស្វយ័តក្រុងភ្នំពេញ - លេខកូដស្តង់ដារ ៖ KH1000010004 - និមិត្តសញ្ញា ៖ រទសភ ២. សេចក្តីលម្អិត សម្រាប់ដំណាច់ការិយបរិច្ឆេទ ៣ខែ ថ្ងៃទី៣១ ខែធ្នូ ឆ្នំា២០១២ រដ្ឋាករទឹកស្វយ័តក្រុងភ្នំពេញ មានចំណូលសរុបចំនួន ៣៧.៤១៧.៩៣៤.០០០ រៀល កើនលើស ត្រីមាសទី៤ ឆ្នាំ២០១១ ចំនួន ២៨,៥២% និងចំណេញសុទ្ធក្រោយបង់ពន្ធ ៨.៩៨៦.៥៣៤.០០០ រៀល ថយចុះ ចំនួន ១,៧៧% ប្រៀបធៀបនឹងត្រីមាសទី៤ ឆ្នាំ២០១១។ គិតត្រឹមថ្ងៃទី៣១ ខែធ្នូ ឆ្នាំ២០១២ នេះដែរ ទ្រព្យសកម្មសរុបមានចំនួន ៩៩៩.៦៨១.២៣០.០០០ រៀល កើនលើស ឆ្នាំ២០១១ ចំនួន ១៥,៥៤% និងមូលធនភាគហ៊ុនមានចំនួន ៥៤១.២២៧.២៨២.០០០ រៀល កើនលើស ឆ្នាំ២០១១ ចំនួន ១៦,៣៩%។ សូចនករសំខាន់ៗសម្រាប់ដំណាច់ការិយបរិច្ឆេទ ថ្ងៃទី៣១ ខែធ្នូ ឆ្នំា២០១២ មានដូចខាងក្រោម៖ ១- អនុបាតចរន្ត ៖ ៤,១៣ដង ២- អនុបាតចរន្តលឿន ៖ ៣,១៣ ដង ៣- ផលចំណេញក្នុងមួយឯកតាទ្រព្យសកម្ម ៖ ៣,៦៩% ៤- ផលចំណេញក្នុងមួយឯកតាមូលធន ៖ ៥,៥១% ៥- អនុបាតជុំបង្វិលទ្រព្យសកម្ម ៖ ០,១៤ដង ៦- ថ្លៃដើមមធ្យម ៖ ៩៦៣,៤៥ រៀល/ម៣ ៧- ថ្លៃដើមផលិតមធ្យម ៖ ២៦៩,៩៩ រៀល/ម៣ ៨- សន្ទស្សន៍និយោជិតធៀបអតិថិជន ៖ ២,៥៨នាក់/១០០០អតិថិជន សម្រាប់ទិសដៅត្រីមាសបន្ទាប់ រ.ទ.ស.ភ. រំពឹងថានឹងទទួលបានចំណេញសុទ្ធក្រោយបង់ពន្ធ មិនតិចជាង ៩.៦៥២ លានរៀល ដូចដែលបានអនុម័តដោយក្រុមប្រឹក្សាភិបាល និងក្រសួង អាណាព្យាបាលទាំងពីរ។ សូមអានរបាយការណ៍ប្រចាំត្រីមាសទី៤ ឆ្នាំ២០១២ ទាំងស្រុង ដូចមានក្នុងឯកសារយោង។