ក្នុងត្រីមាសទី១ ឆ្នំា២០២៣ រដ្ឋាករទឹកស្វយ័តក្រុងភ្នំពេញ (រ.ទ.ស.ភ) មានចំណូលសរុបចំនួន ៨៣.០១១.៦១៣.០០០រៀល កើនឡើងជាងត្រីមាសទី១ ឆ្នំា២០២២ ចំនួន ៩៩១.៦០៣.០០០រៀល ឬ ១,២១% និងចំណេញសុទ្ធក្នុងការិយបរិច្ឆេទសរុបចំនួន ៣៨.៤១០.៣៨៥.០០០រៀល កើនឡើងចំនួន ៨.១១៨.៦៣៦.០០០រៀល ឬ ២៦,៨០% បើធៀបនឹងត្រីមាសទី១ ឆ្នំា២០២២។ នាថ្ងៃទី៣១ ខែមីនា ឆ្នំា២០២៣ នេះដែរទ្រព្យសកម្មសរុបរបស់ រ.ទ.ស.ភ មានចំនួន ២.៧៥៤.០០៤.០៦១.០០០រៀល កើនឡើងចំនួន ៦៩.៨៦៨.១៨៦.០០០រៀល ឬ ២,៦០% និងមូលធនសរុបមានចំនួន ១.៣០៦.៣១៨.២៧៤.០០០រៀល កើនឡើងចំនួន ៣៤.១០៥.២២៧.០០០រៀល ឬ ២,៦៨%។ អនុបាតហិរញ្ញវត្ថុសម្រាប់ត្រីមាសទី១ ឆ្នាំ២០២៣ មានដូចខាងក្រោម៖ ១. អនុបាតសន្ទនីយភាព ១.១ អនុបាតចរន្ត ២,១៤ ដង ១.២ អនុបាតចរន្តលឿន ១,៤៨ ដង ២. អនុបាតចំណេញភាព ២.១ អនុបាតចំណេញធៀបនឹងទ្រព្យសកម្ម ១,៤១% ២.២ អនុបាតចំណេញធៀបនឹងមូលធន ២,៩៨% ២.៣ អនុបាតគម្លាតចំណេញដុល ៣២,៣៧ % ២.៤ អនុបាតគម្លាតចំណេញភាព ៤៦,២៧ % ២.៥ ចំណេញក្នុងមួយឯកតាមូលបត្រកម្មសិទ្ធិ ៤៤១,៦៣ រៀល ៣. អនុបាតលទ្ធភាពសងការប្រាក់ ២២,៨២ដង សម្រាប់ត្រីមាសទី២ ឆ្នាំ២០២៣ រ.ទ.ស.ភ គ្រោងផលិតទឹកស្អាត ៥៧.០១៧.៩៦៤ម៣ ជាមួយនឹងការពង្រីកបណ្តាញចែកចាយទឹកបន្ថែម ១៤៩.៧៤០ម៉ែត្រ និងគ្រោងចំណូលសរុបចំនួន ១០២.១៣៩.៤១៦.០០០រៀល និងចំណាយសរុបចំនួន ៦៨.៥៥៨.៦៩៧.០០០រៀល ដូចដែលបានអនុម័តដោយក្រុមប្រឹក្សាភិបាល និងក្រសួងអាណាព្យាបាលទាំងពីរ។ |