ព័ត៌មានទីផ្សារ៖: 1. អ្វីទៅជា យន្តការជួញដូរដែលទូទាត់ជាប្រាក់ដុល្លារ? ការជួញដូរដែលទូទាត់ជាប្រាក់ដុល្លារ ជាយន្តការមួយដែលវិនិយោគិនអាចបញ្ជាទិញ រឺលក់ ភាគហ៊ុនជាប្រាក់រៀល ប៉ុន្តែទូទាត់ ជាប្រាក់ដុល្លារ ជាមួយនឹងអត្រាប្តូរប្រាក់ ដែលដាក់បង្ហាញជាមុនដោយផ្សារមូលបត្រកម្ពុជា។ 2. វិធានជួញដូរ - ម៉ោងជួញដូរ៖ 9:00 ព្រឹក - 2:50 រសៀល - ថ្ងៃជួញដូរ៖ ថ្ងៃចន្ទ ដល់ ថ្ងៃសុក្រ (លើកលែងថ្ងៃឈប់សម្រាកជាសាធារណៈ) - រូបិយវត្ថុសម្រាប់ថ្លៃបញ្ជា និងថ្លៃជួញដូរ៖ រៀល - រូបិយវត្ថុសម្រាប់ទូទាត់៖ ដុល្លារ - អត្រាប្តូរប្រាក់៖ អត្រាប្តូរប្រាក់របស់ធនាគារជាតិមួយថ្ងៃមុននៃថ្ងៃធ្វើការ - វិធីសាស្ត្រក្នុងការជួញដូរ៖ វិធីសាស្ត្រជួញដូរតាមការដេញថ្លៃ និងវិធីសាស្ត្រជួញដូរតាមការចចារ - តារាងដាក់បញ្ជាដេញថ្លៃ៖​ ការដាក់បញ្ជាដេញថ្លៃនឹងត្រូវបានផ្គូរផ្គងជាមួយ និងបញ្ជាដែលទូទាត់ជាប្រាក់ដុល្លារដូចគ្នាតែប៉ុណ្ណោះ - ដែនកំណត់ថ្លៃប្រចាំថ្ងៃ, ឯកតាគម្លាតថ្លៃនៃបញ្ជា និងវិធានជួញដូរផ្សេងទៀត៖ ដូចគ្នានឹងការជួញដូរដែលទូទាត់ជាប្រាក់រៀល 3. តើធ្វើដូចម្តេចអាចជួញដូរដោយទូទាត់ជាប្រាក់ដុល្លារបាន? - វិនិយោគិនត្រូវតែមានសាច់ប្រាក់ដុល្លារ ក្នុងគណនីជួញដូរសម្រាប់អ្នកទិញ - វិនិយោគិនអាចដាក់បញ្ជាតាមរយៈ ក្រុមហ៊ុនមូលបត្រ រឺ ដាក់បញ្ជាដោយខ្លួនឯង តាមរយៈកម្មវិធីទូរស័ព្ទដៃ ស៊ីអេសអិច ត្រេដ - ដើម្បីដាក់បញ្ជតាមរយៈ ស៊ីអេសអិច ត្រេដ វិនិយោគិនត្រូវជ្រើសរើស ប៊ូតុង “USD Settlement” រួចដាក់បញ្ជាជាការស្រេច