សេចក្តីលម្អិត៖: សម្រាប់ត្រីមាសទី២ ដែលបានបញ្ចប់នៅថ្ងៃទី៣១ ខែធ្នូ ឆ្នាំ២០២៣ ចំណូលសរុបរបស់ ផថខ មានចំនួន ៦ ៤៥១ លានរៀល ដោយថយចុះចំនួន ១២ ៦៥៥ លានរៀល ឬ ៦៦,២% បើប្រៀបធៀបទៅនឹងត្រីមាសនៃឆ្នាំហិរញ្ញវត្ថុមុនដែលបានកត់ត្រាមានចំនួនត្រឹម ១៩ ១០៦ លានរៀល។ បម្រែបម្រួលនៃប្រាក់ចំណូលបានឆ្លុះបញ្ចាំងពីវឌ្ឍនភាពនៃការអនុវត្តគម្រោងផ្សេងៗក្នុងប្រទេសកម្ពុជា។ ប្រាក់ចំណូលទាបនៅក្នុងត្រីមាសបច្ចុប្បន្នដែលស្ថិតក្រោមការត្រួតពិនិត្យឡើងវិញគឺបណ្តាលមកពីការបញ្ចប់គម្រោងនៃភាគខាងកើតសៀមរាប នាខែមីនា ឆ្នាំ២០២៣ និងវឌ្ឍនភាពនៃគម្រោងទាបជាង បើប្រៀបធៀបនឹងត្រីមាសនៃឆ្នាំហិរញ្ញវត្ថុមុន។ គិតត្រឹមថ្ងៃទី៣១ ខែធ្នូ ឆ្នាំ២០២៣ ទ្រព្យសកម្មសរុប មានចំនួន ១ ១៣៦ ៥៥២ លានរៀល តំណាងឲ្យការថយចុះចំនួន ៦២ ៩៣៤ លានរៀល ឬ ៥,២% បើប្រៀបធៀបនឹងចំនួន ១ ១៩៩ ៤៨៦ លានរៀលនៃឆ្នាំហិរញ្ញវត្ថុដែលបានបញ្ចប់នៅថ្ងៃទី៣០ ខែ មិថុនា ឆ្នាំ២០២៣ និង មូលធនសរុបចំនួន ៦៣ ០៧៦ លានរៀល តំណាងឲ្យការថយចុះចំនួន ២៨ ៣៣២ លានរៀល ឬ ៣១,០% បើប្រៀបធៀបនឹងចំនួន ៩១ ៤០៨ លានរៀល នៃឆ្នាំហិរញ្ញវត្ថុដែលបានបញ្ចប់នៅថ្ងៃទី៣០ ខែ មិថុនា ឆ្នាំ២០២៣។ សូចនករសំខាន់ៗសម្រាប់ត្រីមាសទី២ នៃឆ្នាំហិរញ្ញវត្ថុ ២០២៤ មានដូចខាងក្រោម៖ ១. អនុបាតចរន្ត៖ ១,២០ ២. អនុបាតចរន្តលឿន៖ ១,១៧ ៣. អនុបាតចំណេញធៀបនឹងទ្រព្យសកម្ម៖ (១,១១)% ៤. អនុបាតចំណេញធៀបនឹងមូលធន៖ (១៩,៩៨)% ៥. អនុបាតគម្លាតចំណេញដុល៖ ៣៤,៧៨% ៦. អនុបាតគម្លាតខាតភាព៖ (១៩៥,៤០)% ៧. ខាតក្នុងមួយឯកតាមូលបត្រកម្មសិទ្ធិ៖ (១៦៨,១៩) រៀល