១-យោបល់របស់សវនករឯករាជ្យ: ជាទស្សនៈដែលមានបញ្ហា ២-នាមករណ៍ក្រុមហ៊ុនសវនករឯករាជ្យ: ក្រុមហ៊ុន ក្រូវ​ (ខេអេច) ឯ.ក ៣-ឆ្នាំសារពើពន្ធ: ត្រីមាសទី៤ ២០២៣ ៤-កាលបរិច្ឆេទនៃការទទួលរបាយការណ៍សវនកម្ម: 2024-02-29 ៥-បរិយាយ: សវនករឯករាជ្យមិនអាចកំណត់ភាពសមស្របនៃការរៀបចំរបាយការណ៍ហិរញ្ញវត្ថុរបស់ក្រុមហ៊ុនដោយផ្អែកលើមូលដ្ឋាននៃនិរន្តរភាពនោះទេ។ ៦-មូលហេតុ: របាយការណ៍ហិរញ្ញវត្ថុបង្ភាញពីភាពមិនច្បាស់លាស់ជាសារវន្តកើតមានឡើងដែលអាច​បង្កឲ្យមានការសង្ស័យលើសមត្ថភាពរបស់ក្រុមហ៊ុនក្នុងការបន្តនិរន្តរភាព។ ៧-វិធានការណ៍បន្ទាប់: ក្រុមហ៊ុនបានដាក់ស្នើ ផែនការមួយដែលមានភាពជាក់លាក់និង គ្រប់ជ្រុងជ្រោយ ដើម្បីដោះស្រាយបញ្ហាដែលកំពុងជួបប្រទះ។ ផែនការដែលបានស្នើឡើងនេះ ជាយុទ្ធសាស្ត្រដែលមានការអនុវត្តជាដំណាក់កាលក្នុងគោលបំណងពង្រឹងស្ថេរភាពហិរញ្ញវត្ថុ និងដើម្បីធានាបាននូវនិរន្តរភាពយូរអង្វែងរបស់ក្រុមហ៊ុន។​ ធាតុចូលសំខាន់មួយនៃផែនការដែលបានស្នើឡើង គឺការបង្កើនដើមទុន។ ក្រុមហ៊ុនជឿជាក់ថាការបង្កើនដើមទុន នឹងពង្រឹងស្ថានភាពហិរញ្ញវត្ថុ ព្រមទាំងផ្តល់នូវធនធានចាំបាច់ដើម្បីជម្នះបញ្ហាប្រឈមនាពេលបច្ចុប្បន្ន។ យន្តការនេះស្របតាមស្មារតី របស់ក្រុមហ៊ុនក្នុងការធានាឱ្យបាននូវផលប្រយោជន៍របស់វិនិយោគិន និងធានាឱ្យក្រុមហ៊ុន មានការរីកចម្រើន និងទទួលបាននូវភាពជោគជ័យជាបន្តបន្ទាប់ ។