ក្នុងត្រីមាសទី១ ឆ្នំា២០២៤ រដ្ឋាករទឹកស្វយ័តក្រុងភ្នំពេញ (រ.ទ.ស.ភ) មានចំណូលសរុបចំនួន ១០៦.៨១១.៥១៣.០០០រៀល កើនឡើងជាងត្រីមាសទី១ ឆ្នំា២០២៣ ចំនួន ២៣.៧៩៩.៩០០.០០០រៀល ឬ ២៨,៦៧% និងចំណេញសុទ្ធក្នុងការិយបរិច្ឆេទសរុបចំនួន ៥២.០៩២.៤២៩.០០០រៀល កើនឡើងចំនួន ១៣.៦៨២.០៤៤.០០០រៀល ឬ ៣៥,៦២% បើធៀបនឹងត្រីមាសទី១ ឆ្នំា២០២៣។ នាថ្ងៃទី៣១ ខែមីនា ឆ្នំា២០២៤ នេះដែរទ្រព្យសកម្មសរុបរបស់ រ.ទ.ស.ភ មានចំនួន ៣.២២៧.៥១៧.៧៦៣.០០០រៀល កើនឡើងចំនួន ៦៨.៤៥៧.៤៤០.០០០រៀល ឬ ២,១៧% និងមូលធនសរុបមានចំនួន ១.៤៤២.០៤៣.៩៣៨.០០០រៀល កើនឡើងចំនួន ៤៧.៥២៦.៤៦៧.០០០រៀល ឬ ៣,៤១%។ អនុបាតហិរញ្ញវត្ថុសម្រាប់ត្រីមាសទី១ ឆ្នាំ២០២៤ មានដូចខាងក្រោម៖ ១. អនុបាតសន្ទនីយភាព ១.១ អនុបាតចរន្ត ២,៨២ ដង ១.២ អនុបាតចរន្តលឿន ១,៥១ ដង ២. អនុបាតចំណេញភាព ២.១ អនុបាតចំណេញធៀបនឹងទ្រព្យសកម្ម ១,៦៣ % ២.២ អនុបាតចំណេញធៀបនឹងមូលធន ៣,៦៧ % ២.៣ អនុបាតគម្លាតចំណេញដុល ៤២,៣៣ % ២.៤ អនុបាតគម្លាតចំណេញភាព ៤៨,៧៧ % ២.៥ ចំណេញក្នុងមួយឯកតាមូលបត្រកម្មសិទ្ធិ ៥៩៨,៩៥ រៀល ៣. អនុបាតលទ្ធភាពសងការប្រាក់ ២៤,៥៥ដង សម្រាប់ត្រីមាសទី២ ឆ្នាំ២០២៤ រ.ទ.ស.ភ គ្រោងផលិតទឹកស្អាត ៧៦.៦២៧.៥៥០ម៣ ជាមួយនឹងការពង្រីកបណ្តាញចែកចាយទឹកបន្ថែម ១៦១.៩៤៤ម៉ែត្រ និងគ្រោងចំណូលសរុបចំនួន ១១៣.៣៣០.៨៤៣.០០០រៀល និងចំណាយសរុបចំនួន ៧១.២៤៦.៥៨៨.០០០រៀល ដូចដែលបានអនុម័តដោយក្រុមប្រឹក្សាភិបាល និងក្រសួងអាណាព្យាបាលទាំងពីរ។ |