សេចក្តីលម្អិត៖: សម្រាប់ត្រីមាសទី១ ឆ្នាំ២០២៤ ក្រុមហ៊ុន ហ្គោលដេន ទ្រី មានចំណូលសរុបចំនួន ២.៧៨២.៥៩៧ ពាន់រៀល ថយចុះចំនួន ២៤១.០៤៩ ពាន់រៀល បើធៀបទៅនឹងត្រីមាសទី១ ឆ្នាំ២០២៣ ដែលមានចំណូលសរុបចំនួន ៣.០២៣.៦៤៦ ពាន់រៀល ។
ការខាតសុទ្ធសម្រាប់ត្រីមាសទី១ ឆ្នាំ២០២៤ ចំនួន ៦០៤.១៦៨ ពាន់រៀល ថយចុះចំនួន ៤៤១.១១២ ពាន់រៀលបើធៀបនឹងត្រីមាសទី១ ឆ្នាំ២០២៣ ដែលមានការខាតសុទ្ធចំនួន ១.០៤៥.២៨០ ពាន់រៀល ។
ទ្រព្យសកម្មសរុប របស់ក្រុមហ៊ុន ហ្គោលដេន ទ្រីសម្រាប់ត្រីមាសទី១ ឆ្នាំ២០២៤ មានចំនួន ១២៧.៣៦៦.២៣៤ ពាន់រៀល ថយចុះចំនួន ១.៥៩៣.៤៤១ ពាន់រៀល បើធៀបនឹង ថ្ងៃទី៣១ ខែធ្នូ ឆ្នាំ២០២៣ ដែលមានចំនួន ១២៨.៩៥៩.៦៧៥ ពាន់រៀល ។
មូលធនសរុប របស់ក្រុមហ៊ុន ហ្គោលដេន ទ្រីសម្រាប់ត្រីមាសទី១ ឆ្នាំ២០២៤ មានចំនួន ១៣.៧៦៤.៦២៨ ពាន់រៀល ថយចុះចំនួន ៧៥៦.៥៦៦ ពាន់រៀល បើធៀបទៅនឹង ថ្ងៃទី៣១ ខែធ្នូឆ្នាំ២០២៣ ដែលមានចំនួន ១៤.៥២១.១៩៤ ពាន់រៀល ។
សូចនករសំខាន់ៗប្រចាំ ត្រីមាសទី១ ឆ្នាំ២០២៤ មានដូចខាងក្រោម៖
១-អនុបាតចំណេញធៀបនឹងទ្រព្យសកម្ម: (០,៤៧) %
២-អនុបាតចំណេញធៀបនឹងមូលធន: (៤,៣៩) %
៣-គម្លាតចំណេញដុល: ៦៥,៨៦%
៤-គម្លាតចំណេញសុទ្ធ (២១,៧១)%
៥-អនុបាតលទ្ធភាពសងការប្រាក់ ១,០០