សេចក្តីលម្អិត៖: រដ្ឋាករទឹកស្វយ័តក្រុងភ្នំពេញ (រ.ទ.ស.ភ) សូមជម្រាបជូនវិនិយោគិន និងសាធារណជនជ្រាបថា រ.ទ.ស.ភ បានរៀបចំនីតិវិធីផ្ទៃក្នុងរួចរាល់ជាមួយអភិបាល និងមន្ត្រី-និយោជិតចំនួន ៣៩០រូប ព្រមទាំងបានផ្ទេរមូលបត្រកម្មសិទ្ធិចំនួន ៧៨៧.០៤៣ភាគហ៊ុន ពីគណនីបណ្តោះអាសន្នរបស់ រ.ទ.ស.ភ ចូលទៅគណនីជួញដូរនីមួយៗរបស់ អភិបាល និងមន្ត្រី-និយោជិត រ.ទ.ស.ភ នៅថ្ងៃទី១៣ ខែកញ្ញា ឆ្នាំ២០២៤ វេលាម៉ោង ១៦:០០នាទីរសៀល តទៅ។ ដោយឡែកចំពោះ អភិបាល មន្រ្តី-និយោជិតចំនួន ១៣៩រូប ស្នើនឹង ៥១៧.៣២៦ភាគហ៊ុន ដែលបានចូលនិវត្តន៍ មរណភាព ឈប់បម្រើការងារ និងស្នើសុំបង្វិលភាគហ៊ុនជូន រ.ទ.ស.ភ វិញ រ.ទ.ស.ភ បាន និងកំពុងដោះស្រាយបន្តដោយទំនាក់ទំនងផ្តល់ព័ត៌មាន និងជូនដំណឹងដល់មន្ត្រី-និយោជិតផ្ទាល់ ឬសហព័ទ្ធ ឬក្រុមគ្រួសារដែលអាចទាក់ទងបាន មកពិភាក្សាដើម្បីស្វែងរកដំណោះស្រាយ និងការពារផលប្រយោជន៍ជូនដល់មន្ត្រី-និយោជិតតាមលទ្ធភាពដែល រ.ទ.ស.ភ អាចផ្តល់ជូនបាន។ អាស្រ័យហេតុនេះ សូមវិនិយោគិន និងសាធារណជនទាំងអស់ មេត្តាជ្រាបជាព័ត៌មាន។