សេចក្តីលម្អិត៖: ក្នុងត្រីមាសទី៣ គ.ស.២០២៤ កំពង់ផែស្វយ័តក្រុងព្រះសីហនុ មានចំណូលសរុបចំនួន ១២០.៦១៧.៥៨១.០០០ រៀល កើនឡើងជាងក្នុងត្រីមាសទី៣ គ.ស.២០២៣ ចំនួន ២៥.៧៤០.១៦៧.០០០រៀល ស្មើនឹង ២៧,១៣% និងខាតសុទ្ធក្នុងការិយបរិច្ឆេទចំនួន ៧.៨៣៨.០២៧.០០០ រៀល ថយចុះប្រាក់ចំណេញចំនួន ២៩.៨៣៥.៩៧៩.០០០ រៀល ស្មើនឹង ១៣៥,៦៣%។ សម្រាប់រយៈពេល៩ខែ គិតត្រឹមថ្ងៃទី៣០ ខែកញ្ញា គ.ស.២០២៤ កំពង់ផែស្វយ័តក្រុងព្រះសីហនុ មានចំណូលសរុបចំនួន ៣៣២.៤៩៥.៧៦១.០០០ រៀល កើនចំនួន ៦៧.៩២៧.៧៧០.០០០ រៀល ស្មើនឹង ២៥,៦៧% បើធៀបនឹងរយៈពេល ៩ខែ គិតត្រឹមថ្ងៃទី៣០ ខែកញ្ញា គ.ស.២០២៣ និងចំណេញសុទ្ធក្នុងការិយបរិច្ឆេទចំនួន ៦៣.២៤៩.៧៨៦.០០០ រៀល ថយចំនួន ៥៤.៦៨៣.៤៨៤.០០០ រៀល ស្មើនឹង ៤៦,៣៧% បើធៀបនឹងរយៈពេល ៩ខែ គិតត្រឹមថ្ងៃទី៣០ ខែកញ្ញា គ.ស.២០២៣។ នាថ្ងៃទី៣០ ខែកញ្ញា គ.ស.២០២៤ នេះដែរ ទ្រព្យសកម្មសរុបរបស់ កំពង់ផែស្វយ័តក្រុងព្រះសីហនុ មានចំនួន ១.៧១៨.១៩៩.៤២៨.០០០ រៀល កើនចំនួន ១១៥.៣៧៤.៤៨៨.០០០រៀល ស្មើនឹង ៧,២០% និងមូលធនសរុប មានចំនួន ១.០១៩.៤៨៧.៣៩៤.០០០ រៀល កើនឡើងចំនួន ៤៧.៤៤២.៥១៨.០០០ រៀល ស្មើនឹង ៤,៨៨%។ សូចនករសំខាន់ៗសម្រាប់ត្រីមាសទី៣ គ.ស.២០២៤ មានដូចខាងក្រោម៖ ១- អនុបាតចរន្ត: ២,៤៨ ដង ២- អនុបាតចរន្តលឿន: ២,១៥ ដង ៣- អនុបាតចំណេញធៀបនឹងទ្រព្យសកម្ម: (០,៤៦) % ៤- អនុបាតចំណេញធៀបនឹងមូលធន: (០,៧៧) % ៥- អនុបាតគំលាតចំណេញដុល: ២៧,៦៣% ៦- អនុបាតគំលាតចំណេញភាព: (៦,៥០) % ៧- អនុបាតលទ្ធភាពសងការប្រាក់: ០,៤២ ដង ៨- ចំណេញក្នុងមួយឯកតាមូលបត្រកម្មសិទ្ធិ: (៩១,៣៨) រៀល