សេចក្តីលម្អិត៖: នៅត្រីមាសទី៤ ឆ្នាំ២០២៤ ក្រុមហ៊ុន អ អិម អេ (ខេមបូឌា) ម.ក ទទួលបានចំណូលចំនួន ៣៩៦.១ប៊ីលានរៀល កើនឡើងចំនួន ២៥.៦% បើប្រៀបធៀបទៅនឹង ត្រីមាសដូចគ្នា ឆ្នាំ២០២៣។ ប្រាក់ចំណេញសម្រាប់ ត្រីមាសទី៤ ឆ្នាំ២០២៤ មានចំនួន ១៤.១ ប៊ីលានរៀល កើនឡើងចំនួន ២០៨.២% បើប្រៀបធៀបទៅនឹង ត្រីមាសទី៤ ឆ្នាំ២០២៣។ ទ្រព្យសកម្មសរុបនៅចុង ត្រីមាសទី៤ ឆ្នាំ២០២៤ មានចំនួន ៨៧៩.៥ ប៊ីលានរៀល ថយចុះ ១៩.៦% ធៀបទៅនឹង ទ្រព្យសកម្មសរុបនាថ្ងៃទី៣១ ខែធ្នូ ឆ្នាំ២០២៣ មានចំនួន ១.០៩៣,៥ ប៊ីលានរៀល។ ទន្ទឹមនឹងនេះ បំណុលសរុបគិតត្រឹមចុង ត្រីមាសទី៤ ឆ្នាំ២០២៤ មានចំនួន ៣៥៩.៨ ប៊ីលានរៀល ថយចុះ ៣៨,៧% ធៀបទៅនឹង បំណុលសរុបគិតត្រឹមថ្ងៃទី៣១ ខែធ្នូ ឆ្នាំ២០២៣ ដែលមានចំនួន ៥៨៦.៦ ប៊ីលានរៀល។ អនុបាតសំខាន់ៗសម្រាប់ ត្រីមាសទី៤ ឆ្នាំ២០២៤ ៖ ១. អនុបាតសន្ទនីយភាព ក. អនុបាតចរន្ត: ៤.២ ខ. អនុបាតចរន្តលឿន (Quick Ratio): ១.៨ ២. អនុបាតចំណេញភាព (Profitability Ratio)៖ ក. អនុបាតចំណេញធៀបនឹងទ្រព្យសកម្មមធ្យម: ១.០% ខ. អនុបាតចំណេញធៀបនឹងមូលធនមធ្យម: ១.៩% គ. គម្លាតចំណេញដុល: ១៧.៣% ឃ. គម្លាតចំណេញ: ២.៤% ច. អនុបាតលទ្ធភាពសងការប្រាក់ (Interest Coverage Ratio): ៤.៤