សេចក្តីលម្អិត៖: ក្នុងត្រីមាសទី១ ឆ្នំា២០២៥ រ៉ូយ៉ាល់ រេលវេ ម.ក. មានចំណូលសរុបចំនួន ១៤.០៥៦ លានរៀល កើនឡើង ចំនួន ៧៥០ លានរៀល ស្មើនឹង ៥,៦៣% បើធៀប នឹងត្រីមាសទី១ ឆ្នំា២០២៤ និងខាតសុទ្ធក្នុងការិយបរិច្ឆេទ៣ខែដែលបានបញ្ចប់ក្នុងត្រីមាសទី១ ឆ្នំា២០២៥ សរុបចំនួន (៨.០៧១) លានរៀលធ្លាក់ចុះ ចំនួន ៩៧ លានរៀលស្មើនឹង (១,១៩%) បើធៀបនឹងត្រីមាសទី១ ឆ្នំា២០២៤ ។ ក្នុងចុងការិយបរិច្ឆេទនាថ្ងៃទី៣១ ខែមីនា ឆ្នាំ២០២៥ រ៉ូយ៉ាល់ រេលវេ ម.ក. មានទ្រព្យសកម្មសរុប ចំនួន ១២១.៣១៦ លានរៀល ធ្លាក់ចុះចំនួន (៤.៥២៨) លានរៀល ស្មើនឹង (៣,៦០%) និងមូលធនសរុប មានចំនួន (៧១.៣១១) លានរៀល កើនឡើងចំនួន (៧.៦៤១) លានរៀល ស្មើនឹង ១២,០០% បើធៀបនឹងចុងការិយបរិច្ឆេទនាថ្ងៃទី៣១ ខែធ្នូ ឆ្នាំ២០២៤។ សូចនករសំខាន់ៗសម្រាប់ត្រីមាសទី១ ឆ្នាំ២០២៥ មានដូចខាងក្រោម៖ អនុបាតហិរញ្ញវត្ថុ ១. អនុបាតសាធនភាព៖ -១៥,៩១% ២. អនុបាតសន្ទនីយភាព អនុបាតចរន្ត៖ ០,១៤ អនុបាតចរន្តលឿន៖ ០,១៤ អនុបាតចំណេញភាព ៣. អនុបាតចំណេញធៀបនឹងទ្រព្យសកម្ម៖ -៦,៦៥% ៤. អនុបាតចំណេញធៀបនឹងមូលធន៖ ១១,៣២% ៥. អនុបាតគម្លាតចំណេញដុល៖ -២៧,០២% ៦. អនុបាតគម្លាតចំណេញភាព៖ -៥៧,៤២% ៧. អនុបាតលទ្ធភាពបង់ការប្រាក់៖ -១,៣៤