សេចក្តីលម្អិត៖ សេចក្តីជូនដំណឹងស្តីពី "កិច្ចប្រជុំសាមញ្ញ លើកទី១៩ របស់ក្រុមប្រឹក្សាភិបាល អាណត្តិទី៥ នៃ រ.ទ.ស.ភ" ដែលនឹងប្រព្រឹត្តិទៅនៅថ្ងៃទី២០ ខែមករា ឆ្នាំ២០១៦ វេលាម៉ោង ១៤:០០ នាទីរសៀល នៅទីចាត់ការប្រតិបត្តិនៃ រ.ទ.ស.ភ ដែលមានរបៀបវារ:ដូចខាងក្រោម៖ ១. របាយការណ៏ស្តីពី លទ្ធផលការងារសវនកម្មផ្ទៃក្នុង ត្រីមាសទី៤ ឆ្នាំ២០១៥ ២. របាយការណ៏លទ្ធផលកិច្ចលទ្ធកម្មអនុវត្ត ក្នុងត្រីមាសទី៤ ឆ្នាំ២០១៥ ៣. របាយការណ៏ស្តីពីការប្រើប្រាស់មូលនិធិបម្រើផលប្រយោជន៍សង្គមអនុវត្ត ក្នុងត្រីមាសទី៤ ឆ្នាំ២០១៥ ៤. របាយការណ៏ស្តីពីលទ្ធផលការងារ១០ខែ បូក២ខែប៉ាន់ស្មានឆ្នាំ២០១៥ និងផែនការត្រីមាសទី១ ឆ្នាំ២០១៦ ៥. សំណើសុំគោលការណ៍លុបចេញពីបញ្ជីឆ្នាំ២០១៥ នូវអចលនទ្រព្យខូច-បាត់បង់គុណភាព និងធ្វើសំវិធានធនសន្និធិឃ្លាំង នូវសម្ភារមិនប្រើប្រាស់ និងប្រកាសលក់ឡាយឡុង ៦. សំណើសុំក្រសួងសេដ្ឋកិច្ច និងហិរញ្ញវត្ថុ អនុញ្ញាតឱ្យ រ.ទ.ស.ភ បានរួចអាករលើតម្លៃបន្ថែម (VAT) នូវរាល់ការផ្គត់ផ្គង់ទំនិញ និងសេវាសាងសង់ក្នុងស្រុក សម្រាប់គម្រោងសាងសង់រោងចក្រប្រព្រឹត្តកម្មទឹកស្អាតនិរោធជំហានទី២ ក្នុងក្របខណ្ឌហិរញ្ញប្បទានរបស់ទីភ្នាក់ងារបារាំងសម្រាប់ការអភិវឌ្ឍន៍ ៧. សំណើសុំពិនិត្យ-សម្រេចលើគោលការណ៍ផាកពិន័យ រាល់ការខូចខាតប្រព័ន្ធផ្គត់ផ្គង់ទឹកស្អាតរបស់ រ.ទ.ស.ភ ៨. សំណើសុំពិនិត្យ-សម្រេចលើអាណតិ្ត របស់អភិបាលមិនប្រតិបត្តិតំណាងភាគហ៊ុនិកឯកជន និងអភិបាលឯករាជ្យ ជាសមាជិកក្រុមប្រឹក្សាភិបាលនៃ រ.ទ.ស.ភ ៩. កិច្ចពិភាក្សាស្តីពីការបង្កើត គណៈកម្មាធិការវិនិយោគរបស់ក្រុមប្រឹក្សាភិបាល ១០. សំណើសុំពិនិត្យ-សម្រេចលើគោលការណ៍វិនិយោគទិញម៉ាស៊ីនភ្លើង សម្រាប់ដំណើរការរោងចក្រផលិតទឹកស្អាត ១១. ផ្សេងៗ សូមអានឯកសារយោងដូចដែលបានភ្ជាប់សម្រាប់ព័ត៌មានលម្អិត។