សេចក្តីលម្អិត៖ សម្រាប់ដំណាច់ការិយបរិច្ឆេទ ថ្ងៃទី ៣១ ខែ ធ្នូ ឆ្នាំ២០១៥ ក្រុមហ៊ុន ហ្រ្គេន ធ្វីន មានចំណូលសរុបចំនួន ២២៩.៩៣៩.០៦៦.០០០ រៀល ថយចុះចំនួន៧៥២.២៥៥.០០០ រៀល ស្មើនឹង ០.៣៣%បើធៀបនឹង ឆ្នាំ២០១៤ និងចំណេញសុទ្ធក្រោយបង់ពន្ធ មានចំនួន ៤.៣២០.៩៩៥.០០០ រៀលថយចុះជាងឆ្នាំ ២០១៤ ចំនួន៩.៨២៦.៥១៣.០០០រៀល ស្មើនឹង៦៩.៤៦%។ នាថ្ងៃទី៣១ ខែធ្នូ ឆ្នំា២០១៥ នេះដែរ ទ្រព្យសកម្មសរុបរបស់ក្រុមហ៊ុន ហ្រ្គេន ធ្វីន មានចំនួន ៣០៤.៨៥០.៩៥២.០០០ រៀល កើនលើសឆ្នាំ ២០១៤ ចំនួន ១៤.៨៧៤.១៣១.០០០ រៀល ស្មើនឹង៥,១៣% និងមូលធនសរុប មានចំនួន ២៥៦.០៣៤.៧៥១.០០០ រៀល ថយចុះជាង ឆ្នាំ ២០១៤ ចំនួន ៤.២៩៨.៣៨៤.០០០ រៀល ស្មើនឹង ១,៦៥%។ សូចនករសំខាន់ៗប្រចាំឆ្នាំ២០១៥ ១-ចំណេញក្នុងមួយឯកតាមូលបត្រកម្មសិទ្ធិ ១០៨,០២ រៀល ២-អនុបាតចំណេញធៀបនឹងមូលធន ១,៦៩ % ៣-អនុបាតចំណេញធៀបនឹងទ្រព្យសកម្ម ១,៤២ % ៤-អនុបាតចរន្ត ៥,២៨ ដង ៥-អនុបាតចរន្តលឿន ៤.៥៤ ដង ៦-អនុបាតជុំបង្វិលទ្រព្យសកម្ម ០.៧៥ ដង ៧-អនុបាតបំណុលធៀបនឹងមូលធន ១៩,០៧ % ៨-អនុបាតគំលាតចំណេញដុល ១១,៤១ % ៩-អនុបាតគំលាតចំណេញភាព១,៨៨% សូមអានរបាយការណ៍ប្រចាំឆ្នាំ២០១៥ ដូចមានក្នុងឯកសារយោង។