សេចក្តីលម្អិត៖ ១. លោក ហ្គី អានវ៉ានិថ ជាអភិបាលឯករាជ្យ ជំនួស លោក ហួត ហៃ សមាជិកក្រុមប្រឹក្សាភិបាល តំណាងពីសាលារាជធានីភ្នំពេញ តាមរយៈការបោះឆ្នោតជ្រើសតាំងក្នុងមហាសន្និបាតភាគហ៊ុនិក លើកទី១ របស់ ក.ស.ភ. កាលពីថ្ងៃទី៦ ខែមិថុនា ឆ្នាំ២០១៦។ ២. លោក ឌិត សុចល ជាអភិបាលមិនប្រតិបត្តិតំណាងភាគហ៊ុនិកឯកជន ជំនួស ឯកឧត្តម លី ស៊ីវណ្ណា សមាជិកក្រុមប្រឹក្សាភិបាល តំណាងពីទីស្តីការគណៈរដ្ឋមន្រ្តី តាមរយៈការបោះឆ្នោតជ្រើសតាំងក្នុងមហាសន្និបាតភាគហ៊ុនិកលើកទី១ របស់ ក.ស.ភ. កាលពីថ្ងៃទី៦ ខែមិថុនា ឆ្នាំ២០១៦។ ៣. លោកស្រី ជួន សុខេម ជាអភិបាលតំណាងនិយោជិត ក.ស.ភ. ជំនួស ឯកឧត្តម ព្រុំ សុខានី តាមរយៈការបោះឆ្នោតដោយនិយោជិត ក.ស.ភ. កាលពីថ្ងៃទី២២ ខែមករា ឆ្នាំ២០១៦ (ដូចមានកំណត់ហេតុភ្ជាប់មកជាមួយ)។ ប៉ុន្តែ លោកស្រី ជួន សុខេម មិនទាន់អាចចូលកាន់តំណែងបាន ដោយហេតុថា ក្រុមប្រឹក្សាភិបាលអាណត្តិទី៥ នៃ ក.ស.ភ. ត្រូវបានពន្យាររហូតដល់ពេលដែល ក.ស.ភ. ជ្រើសរើសបាននូវអភិបាលឯករាជ្យ និងអភិបាលមិនប្រតិបត្តិ តំណាងភាគហ៊ុនិកឯកជន តាមរយៈលិខិតជូនដំណឹងលេខ ១៨៩ សជណ.គប ចុះថ្ងៃទី១៥ ខែកុម្ភៈ ឆ្នាំ២០១៦ របស់ទីស្តីការគណៈរដ្ឋមន្រ្តី។ សូមអានឯកសារយោងដូចដែលបានភ្ជាប់។