សេចក្តីលម្អិត៖ ក្នុងត្រីមាសទី១ ឆ្នំា២០១៦ រ.ទ.ស.ភ មានចំណូលសរុបចំនួន ៥២.៤៩៩.៩២៦.០០០រៀល ថយចុះចំនួន ១៣.៩០០.៦៤៤.០០០រៀល ស្មើនឹង ២០,៩៣% បើធៀនឹងត្រីមាសទី១ ឆ្នាំ២០១៥ និងចំណេញសុទ្ធក្នុងការិយបរិច្ឆេទសរុបចំនួន ៧.៥៨០.៨៨៩.០០០រៀល ថយចុះចំនួន ១៤.១០៧.៤១៩.០០០រៀល ស្មើនឹង ៦៥,០៥% បើធៀបនឹងត្រីមាសទី១ ឆ្នំា២០១៥។ នាថ្ងៃទី៣១ ខែមីនា ឆ្នាំ២០១៦ នេះដែរ ទ្រព្យសកម្មសរុបរបស់ រ.ទ.ស.ភ មានចំនួន ១.២៥១.១០៧.៣៩០.០០០រៀល កើនចំនួន ៥.៦៧៥.២៦២.០០០រៀល ស្មើនឹង ០,៤៦% និងមូលធនសរុបមានចំនួន ៧៧៨.២៧៩.៥៧៩.០០០រៀល ថយចុះចំនួន ៥.៦៨៨.៦០៣.០០០រៀល ស្មើនឹង ០,៧៣% ធៀបនឹងឆ្នាំ២០១៥។ សូចនករសំខាន់ៗប្រចំាត្រីមាសទី១ ឆ្នាំ២០១៦ មានដូចខាងក្រោម៖ ១-​ ចំណេញក្នុងមួយឯកតាមូលបត្រកម្មសិទ្ធិ ៨៧,១៦ រៀល ២- ផលចំណេញក្នុងមួយឯកតាមូលធន ០,៩៧% ៣- ផលចំណេញក្នុងមួយឯកតាទ្រព្យសកម្ម ០,៦១% ៤- អនុបាតចរន្ត ៤,៥១ ដង ៥- អនុបាតចរន្តលឿន ៣,៧២ ដង ក្នុងត្រីមាសបន្ទាប់ រ.ទ.ស.ភ រំពឹងថានឹងទទួលបានប្រាក់ចំណេញពិត មិនតិចជាង១០.៩៨០លានរៀល ដែលក្រុមប្រឹក្សាភិបាល និងក្រសួងអាណាព្យាបាលបានអនុម័ត។ សូមអានរបាយការណ៍ប្រចាំត្រីមាសទី១ ឆ្នាំ២០១៦ ដូចមានក្នុងឯកសារយោង។