សេចក្តីលម្អិត៖: ក្រុមហ៊ុន ភ្នំពេញ អេសអ៊ីហ្សិត ភីអិលស៊ី មានកិត្តិយសសូមជម្រាបជូនវិនិយោគិន និង សាធារណជនមេត្តាជ្រាបថា៖ របាយការណ៍ប្រចាំត្រីមាសទី១ នៃឆ្នាំ២០១៩ របស់ក្រុមហ៊ុន ភ្នំពេញ អេសអ៊ីហ្សិត ភីអិលស៊ី នឹងត្រូវពន្យារពេលដល់ ថ្ងៃទី ៣១ ខែ ឧសភា ឆ្នាំ ២០១៩។ ការពន្យារពេលនេះគឺដោយសារ ការផ្លាស់ប្ដូរសវនករឯករាជ្យពី BDO (Cambodia) ទៅ Baker Tilly Cambodia ដែលជា សវនករឯករាជ្យថ្មី ដែលត្រូវបានតែងតាំងនាពេលថ្មីៗនេះ ក្នុងការចាប់ផ្ដើមបំពេញការងារសវនកម្ម។ ដោយសាររយៈពេលខ្លីសម្រាប់ Baker Tilly Cambodia ក្នុងការបំពេញការងារ ក្រុមហ៊ុនសូមធ្វើការពន្យារពេលក្នុងការបង្ហាញព័ត៌មានសាជីវកម្មនូវរបាយការណ៍សាមាយិកនេះ។ ក្រុមហ៊ុន នឹងផ្ដល់ជូនរបាយការណ៍ហិរញ្ញវត្ថុប្រចាំត្រីមាសទី១ នៃឆ្នាំ២០១៩ នៅថ្ងៃទី ៣១ ខែឧសភា ឆ្នាំ ២០១៩ ឬលឿនជាងកាលបរិច្ឆេទនេះ។ អាស្រ័យដូចបានជម្រាបជូនខាងលើ សូមវិនិយោគិន និងសាធារណជនទទួលជ្រាបដោយក្ដីអនុគ្រោះ ។