ក្នុងត្រីមាសទី៣ ឆ្នំា២០១៩ ភ្នំពេញ អេសអ៊ីហ្សិត ភីអិលស៊ី មានចំណូលសរុបចំនួន ៨.៥៥៧.២៥២ ពាន់រៀល កើនឡើងជាងត្រីមាសទី៣ ឆ្នំា២០១៨ ចំនួន ២,៧៣៤,៥០៨ ពាន់រៀល ស្មើនឹង ៤៦.៩៦% និងខាតសុទ្ធក្នុងការិយបរិច្ឆេទសរុបចំនួន ៣,១២៣,១១៣ពាន់រៀល ថយចុះចំនួន ១,៣៦៩,៦៩៦ ពាន់រៀលស្មើនឹង ៣០.៤៩%បើធៀប នឹងត្រីមាសទី៣ ឆ្នំា២០១៨ ។ នៅថ្ងៃទី៣០ ខែកញ្ញា ឆ្នំា២០១៩ នេះដែរ ទ្រព្យសកម្មសរុប របស់ ភ្នំពេញ អេសអ៊ីហ្សិត ភីអិលស៊ី មានចំនួន ៣៨៨.៩១១.០២៥ ពាន់រៀល កើនឡើង ចំនួន ៣៩.១៩៥.០០០ ពាន់រៀល ស្មើនឹង ១១,២០%និងមូលធនសរុប មានចំនួន ២៤២.០០២.៣៥១ ពាន់រៀល កើនឡើងចំនួន ៣៩.១៦៨.៩៤៩ ពាន់រៀល ស្មើនឹង ១៩,៣១% ។ សូចនករសំខាន់ៗសម្រាប់ត្រីមាសទី៣ ឆ្នាំ២០១៩ មានដូចខាងក្រោម៖ ១-អនុបាតចរន្ត: ៥.០៤ដង ២-អនុបាតចរន្តលឿន: ២.៩៥ដង ៣-អនុបាតចំណេញធៀបនឹងទ្រព្យសកម្ម: (០.៨០%) ៤-អនុបាតចំណេញធៀបនឹងមូលធន: (១.២៩%) ៥-អនុបាតគំលាតចំណេញដុល: ៣០.៤១% ៦-អនុបាតគំលាតចំណេញភាព: (៣៦.៥០%) ៧-ចំណេញក្នុងមួយឯកតាមូលបត្រកម្មសិទ្: (៤៣.៥) រៀល ៨-អនុបាតលទ្ធភាពសងការប្រាក់: (១.៨៩) សូមអានរបាយការណ៍ប្រចាំត្រីមាសទី៣ ឆ្នាំ២០១៩ ដូចមានក្នុងឯកសារយោង។ |