សេចក្តីលម្អិត៖: ក្រុមហ៊ុន ភ្នំពេញ អេសអ៊ីហ្សិត ភីអិលស៊ី មានកិត្តិយសសូមជម្រាបជូនវិនិយោគិន សាធារណជន ម្ចាស់ភាគហ៊ុនដែលមានសិទ្ធិក្នុងការបោះឆ្នោតមេត្តាជ្រាបថា៖ កិច្ចប្រជុំមហាសន្និបាតភាគហ៊ុនិកត្រូវបាន ពន្យារពេលដោយសារការរីករាលដាលនៃវីរុស Covid-19 នាពេលបច្ចុប្បន្ន រហូតដល់មានការជូនដំណឹងបន្ថែមទៀត។ ក្រុមហ៊ុន ភ្នំពេញ អេសអ៊ីហ្សិត ភីអិលស៊ី ត្រូវពន្យារពេលកិច្ចប្រជុំមហាសន្និបាតភាគហ៊ុនិករដែលត្រូវ ធ្វើឡើងនៅថ្ងៃទី ២៤ ខែមេសា ឆ្នាំ២០២០ នេះ គឺដោយសារតែមានការកើតឡើងដែលមិននឹកស្មានដល់នៃជំងឺរាត្បាត Covid-19 ដែលចាំបាច់ត្រូវតែពង្រឹង សុវត្ថិភាពរបស់សហគមន៍យើងមុនគេបង្អស់ជាមួយនឹងការអនុវត្តតាមការណែនាំរបស់ក្រសួង សុខាភិបាលរបស់ប្រទេសកម្ពុជា។ ដោយស្មារតីសាមគ្គីភាព និងភាពប្រុងប្រយ័ត្ន យើងយល់ស្របលើ ការអនុវត្តតាមភាពប្រកាសអាសន្នក្នុងក្របខ័ណ្ឌរបស់ក្រសួង សុខាភិបាល ក្នុងការពន្យារពេលកិច្ចប្រជុំមហាសន្និបាតភាគហ៊ុនិកប្រចាំឆ្នាំ។ យើងបានចូលរួមក្នុងការការពារសុខភាពនិងជីវិតរបស់ប្រជាជនកម្ពុជា ដើម្បីដោះស្រាយបញ្ហាប្រឈមបច្ចុប្បន្ននេះ។ សកម្មភាពសាមគ្គីភាពដ៏ក្លាំងក្លារបស់ បុគ្គលម្នាក់ៗគឺជា ការតស៊ូរួមគ្នាដើម្បីភាពប្រសើរឡើងរបស់ប្រទេសជាតិយើងទាំងមូល។ ដូច្នេះយើងនឹងជម្រាបជូនដំណឹងដល់មហាជនជាសាធារណ អំពីការពន្យារពេលលើកិច្ចប្រជុំមហាសន្និបាតភាគហ៊ុនិក និង ការកំណត់កាលបរិច្ឆេទនៃកិច្ចប្រជុំមហាសន្និបាត របស់យើងខ្ញុំឱ្យបានឆាប់តាមដែលអាចធ្វើទៅបាន ដោយបន្តរួមគ្នាដើម្បីឈ្នះការប្រយុទ្ធប្រឆាំងនៃជំងឺនេះ។ ក្នុងពេលជាមួយគ្នានេះដែរ ក្រុមហ៊ុន ភ្នំពេញ អេសអ៊ីហ្សិត ភីអិលស៊ី សូមជម្រាបជូនសាធារណជនមេត្តាជ្រាបផងដែរថា៖ របាយការណ៍ហិរញ្ញវត្ថុរបស់ក្រុមហ៊ុន ភ្នំពេញ អេសអ៊ីហ្សិត ភីអិលស៊ី ត្រូវបានធ្វើ សវនកម្មនិងអនុលោមតាមស្តង់ដាររបាយការណ៍ហិរញ្ញវត្ថុអន្តរជាតិ ហើយយើងកំពុងអនុវត្តស្តង់ដារ CIFRS ដែលជាការអនុលោមតាមស្តង់ដារ IFRS ទាក់ទងនឹងរបាយការណ៍ហិរញ្ញវត្ថុ។ លើសពីនេះទៀត ការធ្វើ សវនកម្មដែលត្រូវបានអនុម័តដោយសវនករឯករាជ្យ គឺការអនុលោមតាម ISA ផងដែរ (ការអនុលោមតាមស្តង់ដារសវនកម្មអន្តរជាតិ) ។ នៅក្នុងឆ្នាំសារពើពន្ធ ២០១៨ ក្រុមហ៊ុនទទួលបានលទ្ធផលល្អគួរឱ្យកត់សម្គាល់ក្នុងការលក់ក្នុងចំនួនទឹកប្រាក់ប្រមាណ ២២ លានដុល្លារអាមេរិក សម្រាប់ការលក់ម្តងឲ្យអតិថិជនតែមួយ ពីព្រោះចាប់តាំងពីក្រុមហ៊ុនចាប់ផ្តើមប្រតិបត្តិការ ក្រុមហ៊ុនមិនធ្លាប់មានការលក់ក្នុងចំនួននេះទេ។ ប្រតិបត្តិការនេះបានកើតឡើងនៅខែកញ្ញាឆ្នាំ ២០១៨ ហើយក្រោយមកយើងបានបង្ហាញការផ្សព្វផ្សាយអំពីការលក់នេះតាមរយៈ ផ្សារមូលបត្រកម្ពុជា (CSX )ដែលធ្វើឡើងបន្ទាប់ពីបានចុះហត្ថលេខាលើកិច្ចព្រមព្រៀងជួលដីភតិសន្យារវាងក្រុមហ៊ុន ភ្នំពេញ អេសអ៊ីហ្សិត ភីអិលស៊ី ជាមួយនឹងក្រុមហ៊ុន Shenzhou International (ដែលមានឈ្មោះថា “Gain Lucky/ Marvel Garment”)។ ចំនួនទឹកប្រាក់នៃការលក់នេះត្រូវបានកត់ត្រាទុកនិងត្រូវបានទទួលស្គាល់នៅក្នុងឆ្នាំនៃការចុះហត្ថលេខាលើកិច្ចព្រមព្រៀងជាមួយអ្នកទិញ ដែលនេះជាវិធីនៃការកត់ត្រាចំណូលតាមស្តង់ដាជារធម្មតារបស់ក្រុមហ៊ុនដែលតែងតែអនុវត្តកាលពីមុន ។ ទោះជាយ៉ាងណា នៅពេលស្តង់ដារថ្មីនេះត្រូវបានអនុវត្ត ការអនុវត្តនៃស្តង់ដារនេះខុសគ្នាពីការអនុវត្តជាធម្មតារបស់ក្រុមហ៊ុន ហើយវានឹងមានលទ្ធផលដែលមិនអនុលោមតាមការអនុវត្តស្តង់ដារនេះ។ បន្ទាប់ពីពិនិត្យឡើងវិញដោយយកចិត្តទុកដាក់ស្ទើរតែឆ្លងកាត់ការប្រជុំផ្ទៃក្នុងជាមួយសវនករឯករាជ្យ (រួមបញ្ចូលមាន BDO Cambodia, GT Cambodia and GT Thailand, Baker Tilly Cambodia, Baker Tilly Thailand, និង Baker Tilly Malaysia) ដោយមានការប្រជុំបីលើកទៀតជាមួយនិយ័តករ SEC Thailand នៅទីបំផុតយើងបានបញ្ចប់វិធីសាស្រ្តដែលត្រូវអនុម័ត។ ជាលទ្ធផលអ្វីដែលត្រូវបានកត់ត្រានិង អនុម័តពីមុននៅក្នុងរបាយការណ៍ហិរញ្ញវត្ថុឆ្នាំមុនត្រូវបានបង្ហាញឡើងវិញ (ការកែតម្រូវពីឆ្នាំមុន) ដែលនេះជាមូលហេតុចំបង។ សម្រាប់ការផ្សព្វផ្សាយជាសាធារណៈនេះ យើងពន្យល់ពីបញ្ហាខាងលើដោយយកចិត្តទុកដាក់និងត្រឹមត្រូវ ដោយភាពច្បាស់លាស់ និងពិតប្រាកដដែលយើងត្រូវអនុវត្តតាមលក្ខខណ្ឌនៃការបង្ហាញព័ត៌មាននិងការអនុលោមតាមការអនុវត្តតាមស្តង់ដារ ក្នុងនាមជាក្រុមហ៊ុនចុះបញ្ជី ដើម្បីធានាបាននូវការអនុវត្ត និងស្របតាមលក្ខខណ្ឌចុះបញ្ជីដែលជាកាតព្វកិច្ចរបស់យើង។ យ៉ាងណាមិញ ជំងឺរាតត្បាត COVID-19 គឺជាបញ្ហាប្រឈមដែលមិនធ្លាប់មានពីមុនមក ជាហេតុធ្វើឲ្យយើងសម្រេចពន្យារពេលកិច្ចប្រជុំមហាសន្និបាតជាចាំបាច់ ដើម្បីបំពេញភាពរឹងមាំក្នុងភាពជាស្មារតីសាមគ្គីដូចពាក្យស្លោកពោលថា “ស្នាក់នៅផ្ទះមានសុវត្ថិភាព” ។ ទន្ទឹមនឹងនេះ តាមរយៈបទពិសោធន៍នៃការអនុវត្តស្តង់ដារ IFRS 15 យើងសង្ឃឹមថាអ្នកអាចរៀនសូត្រពីការពន្យល់ពេញលេញអំពីលទ្ធផលនៃស្តង់ដារ IFRS ថ្មីដែលបានណែនាំនិងមានផលប៉ះពាល់ក្រុមហ៊ុន ក្នុងការកែប្រែរបាយការណ៍ហិរញ្ញវត្ថុដែលបានបង្ហាញពីមុន។ អាស្រ័យដូចបានជម្រាបជូនខាងលើ សូមវិនិយោគិន និងសាធារណជនទទួលជ្រាបដោយក្ដីអនុគ្រោះ ។