សេចក្តីលម្អិត៖: ក្នុងត្រីមាសទី២ ឆ្នំា២០២០ រដ្ឋាករទឹកស្វយ័តក្រុងភ្នំពេញ (រ.ទ.ស.ភ) មានចំណូលសរុបចំនួន ៧៥.២៤៥.០៩០.០០០ រៀល កើនឡើងជាងត្រីមាសទី២ ឆ្នំា២០១៩ ចំនួន ១៧.៩៩០.៧៦១.០០០ រៀល ឬ ៣១,៤២% និងចំណេញសុទ្ធក្នុងការិយបរិច្ឆេទសរុបចំនួន ១៥.៨២១.២៤៩.០០០ រៀល កើនឡើងចំនួន ៦.៥៩២.៨៤៤.០០០ រៀល ឬ ៧១,៤៤% បើធៀបនឹងត្រីមាសទី២ ឆ្នំា២០១៩។ នាថ្ងៃទី៣០ ខែមិថុនា ឆ្នំា២០២០ នេះដែរ ទ្រព្យសកម្មសរុបរបស់ រ.ទ.ស.ភ មានចំនួន ១.៦៧៤.៣២៧.៨៦១.០០០ កើនឡើងចំនួន ៦៩.៩៨៣.៩៣៩.០០០រៀល ឬ ៤,៣៦% និងមូលធនសរុបមានចំនួន ៩៣៦.១២៦.០០៥.០០០រៀល កើនឡើងចំនួន ២២.៤២១.៣៦៦.០០០រៀល ឬ ២,៤៥%។ អនុបាតហិរញ្ញវត្ថុសម្រាប់ត្រីមាសទី២ ឆ្នាំ២០២០ មានដូចខាងក្រោម៖ ១. អនុបាតសន្ទនីយភាព ១.១ អនុបាតចរន្ត: ១,៣១ ដង ១.២ អនុបាតចរន្តលឿន: ០,៧៩ ដង ២. អនុបាតចំណេញភាព ២.១ អនុបាតចំណេញធៀបនឹងទ្រព្យសកម្ម:០,៩៦ % ២.២ អនុបាតចំណេញធៀបនឹងមូលធន: ១,៦៩ % ២.៣ អនុបាតគម្លាតចំណេញដុល: ៣៥,៦៩ % ២.៤ អនុបាតគម្លាតចំណេញភាព:២១,០៣ % ២.៥ ចំណេញក្នុងមួយឯកតាមូលបត្រកម្មសិទ្ធិ: ១៨១,៩១ រៀល ២.៦ អនុបាតលទ្ធភាពសងការប្រាក់: ៤,៨៧ ដង សម្រាប់ត្រីមាសទី៣ ឆ្នាំ២០២០ រ.ទ.ស.ភ គ្រោងផលិតទឹកស្អាត ៥៨.៣១៣.៦០០ម៣ ជាមួយនឹងការពង្រីកបណ្តាញចែកចាយទឹកបន្ថែម ៤៩.៥០០ម៉ែត្រ។ រ.ទ.ស.ភ រំពឹងថានឹងទទួលបានចំណូលសរុបចំនួន ៨៣.៣៨៣.៦៥៩.០០០រៀល និងចំណាយសរុបចំនួន ៤៨.៣៨១.៤០៥.០០០រៀល ដូចដែលក្រុមប្រឹក្សាភិបាល និងក្រសួងអាណាព្យាបាលទាំងពីរបានអនុម័ត។