សេចក្តីលម្អិត៖: នៅត្រីមាសទី៣ ឆ្នាំ២០២០ ក្រុមហ៊ុន អ អិម អេ (ខេមបូឌា) ម.ក ទទួលបានចំណូលចំនួន ២៨៥ ប៊ីលានរៀល ថយចុះមកត្រឹម ០,៤% បើប្រៀបធៀបទៅនឹងត្រីមាសទី៣ ឆ្នាំ២០១៩។ ចំណូលក្នុង៩ខែដំបូងក្នុង ឆ្នាំ២០២០ មានចំនួន ៩៣១ ប៊ីលានរៀល ខ្ពស់ជាងរយៈពេលដូចក្នុង ឆ្នាំ២០១៩ បន្តិច ដែលមានចំនួន ៩២៨,៦ ប៊ីលានរៀល។ ការកើនឡើងនេះ បណ្តាលមកពីការទទួលបានចំណូលដ៏ខ្លាំងក្នុងត្រីមាសទី១ ឆ្នាំ២០២០។ ទន្ទឹមនឹងនេះ ប្រាក់ចំណេញសម្រាប់ត្រីមាសទី៣ ឆ្នាំ២០២០ ដែលមានចំនួន ១៧,១ ប៊ីលានរៀល ថយចុះចំនួន ២៣,៣% បើប្រៀបធៀបទៅនឹងត្រីមាសទី៣ ឆ្នាំ២០១៩។ ប្រាក់ចំណេញនៅ៩ខែដំបូងក្នុងឆ្នាំ២០២០ មានចំនួន ៧៥,៦ ប៊ីលានរៀល ៨,៩% ទាបជាងប្រាក់ចំណេញនៅក្នុងរយៈពេលដូចគ្នាក្នុង​ ឆ្នាំ២០១៩។ ទ្រព្យសកម្មសរុបគិតត្រឹមថ្ងៃទី៣០ ខែកញ្ញា ឆ្នាំ២០២០ មានចំនួន ៣៧៤,២ ប៊ីលានរៀល ទ្រព្យសកម្មសរុបគិតត្រឹមថ្ងៃទី៣១ ខែធ្នូ ឆ្នាំ២០១៩ ដែលមានចំនួន ៤៩១,៧ ប៊ីលានរៀល​មាន​ន័យថា​ទ្រព្យសកម្មសរុប​ធ្លាក់​ចុះ ២៣,៩%។ ម៉្យាងវិញទៀត បំណុលសរុបគិតត្រឹមថ្ងៃទី៣០ ខែកញ្ញា ឆ្នាំ២០២០ មានចំនួន ១៩៦,២ ប៊ីលានរៀល ៤៧,៧% ទាបជាងបំណុលសរុបគិតត្រឹមថ្ងៃទី៣១ ខែធ្នូ ឆ្នាំ២០១៩ ដែលមានចំនួន ៣៧៥,៤ ប៊ីលានរៀល។ អនុបាតសំខាន់ៗសម្រាប់ត្រីមាសទី៣ ឆ្នាំ២០២០៖ ១. អនុបាតសន្ទនីយភាព ក. អនុបាតចរន្ត: ៣,០៤ ខ. អនុបាតចរន្តលឿន (Quick Ratio): ១,៣១ ២. អនុបាតចំណេញភាព (Profitability Ratio)៖ ក. អនុបាតចំណេញធៀបនឹងទ្រព្យសកម្ម: ៤,០% ខ. អនុបាតចំណេញធៀបនឹងមូលធនជា: ១១,៦% គ. គម្លាតចំណេញដុល: ១៣,៨% ឃ. គម្លាតចំណេញ: ៥,៩% ង. ចំណេញក្នុងមួយឯកតាមូលបត្រកម្មសិទ្ធិ (EPS) (គិតជាពាន់រៀល): ១៧.១១៥ ច. អនុបាតលទ្ធភាពសងការប្រាក់ (Interest Coverage Ratio): ៦,៩៩ អនុបាតសំខាន់ៗសម្រាប់៩ខែដំបូងក្នុង ឆ្នាំ២០២០៖ ១. អនុបាតចំណេញភាព (Profitability Ratio) ក. អនុបាតចំណេញធៀបនឹងទ្រព្យសកម្ម: ១៧,៥% ខ. អនុបាតចំណេញធៀបនឹងមូលធន: ៥១,៤% គ. គម្លាតចំណេញដុល: ១៥,៩% ឃ. គម្លាតចំណេញ: ៨,០% ង. ចំណេញក្នុងមួយឯកតាមូលបត្រកម្មសិទ្ធិ (EPS) (គិតជាពាន់រៀល): ៧៥.៥៨១ ច. អនុបាតលទ្ធភាពសងការប្រាក់ (Interest Coverage Ratio): ៨,៤៨ សូមអានរបាយការណ៍ប្រចាំត្រីមាសទី៣ ឆ្នំា២០២០ ដូចមានក្នុងឯកសារយោង។