សេចក្តីលម្អិត៖: ដោយហេតុថាឆ្នាំការិយបរិច្ឆេទគណនេយ្យរបស់ក្រុមហ៊ុន ផេសថិក (ខេមបូឌា) ម.ក ខុសពីឆ្នាំប្រតិទិន ដូច្នេះ ក្រុមហ៊ុន ផេសថិក (ខេមបូឌា) ម.ក សូមធ្វើការជូនដំណឹងដល់ភាគហ៊ុននិក និងសាធារណជន អំពីការប្រើប្រាស់ឆ្នាំការិយបរិច្ឆេទគណនេយ្យរបស់ក្រុមហ៊ុន ផេសថិក (ខេមបូឌា) ម.ក ដែលចាប់ ផ្ដើមពីថ្ងៃទី ០១ ខែ កក្កដា និងបញ្ចប់នៅថ្ងៃទី ៣០ ខែ មិថុនា នៃឆ្នាំបន្ទាប់។ ដើម្បីជៀសវាងការភ័ណ្ឌច្រឡំ ក្រុមហ៊ុន ផេសថិក (ខេមបូឌា) ម.ក សូមធ្វើការជូនដំណឹងអំពីការប្រើប្រាស់ការិយបរិច្ឆេទគណនេយ្យនៃរបាយការណ៏ប្រចាំត្រីមាសឆ្នាំ២០២១ និងរបាយការណ៏ប្រចាំឆ្នាំហិរញ្ញវត្ថុនៃឆ្នាំ២០២១ ដូចខាងក្រោម៖ -ត្រីមាសទីមួយនៃឆ្នាំ២០២១ គិតចាប់ពីថ្ងៃទី០១ ខែកក្កដា និងបញ្ចប់នៅថ្ងៃទី៣០ ខែកញ្ញា ឆ្នាំ ២០២០ -ត្រីមាសទីពីរនៃឆ្នាំ២០២១ គិតចាប់ពីថ្ងៃទី០១ ខែតុលា និងបញ្ចប់នៅថ្ងៃទី៣១ ខែធ្នូ ឆ្នាំ ២០២០ -ត្រីមាសទីបីនៃឆ្នាំ២០២១ គិតចាប់ពីថ្ងៃទី០១ ខែមករា និងបញ្ចប់នៅថ្ងៃទី៣១ ខែមីនា ឆ្នាំ ២០២១ -ត្រីមាសទីបួននៃឆ្នាំ២០២១ គិតចាប់ពីថ្ងៃទី០១ ខែមេសា និងបញ្ចប់នៅថ្ងៃទី៣០ ខែមិថុនា ឆ្នាំ ២០២១ -ប្រចាំឆ្នាំ២០២១សម្រាប់ឆ្នាំហិរញ្ញវត្ថុដែលបញ្ចប់នៅថ្ងៃទី ៣០ ខែមិថុនា ឆ្នាំ២០២១។ ការផ្លាស់ប្ដូរឆ្នាំការិយបរិច្ឆេទគណនេយ្យរបស់ក្រុមហ៊ុន ផេសថិក (ខេមបូឌា) ម.ក ដូចបានរៀបរាប់ខាងលើនេះ ត្រូវបានធ្វើឡើងដើម្បីឲ្យស្របតាមឆ្នាំការិយបរិច្ឆេទគណនេយ្យរបស់ក្រុមហ៊ុនមេគឺ Pestech International Berhad ដែលជាក្រុមហ៊ុនបានចុះបញ្ជីលក់មូលបត្រនៅទីផ្សារមូលបត្រនៃប្រទេសម៉ាឡេស៊ី ហើយការផ្លាស់ប្ដូរនេះទទួលបានអនុញ្ញាត ពីក្រុមប្រឹក្សាជាតិគណនេយ្យតាមរយៈលិខិតលេខ ១៥២ អសវ កជគ ចុះថ្ងៃទី ២៩ ខែធ្នូ ឆ្នាំ២០១៤ ស្ដីពីករណីស្នើសុំផ្លាស់ប្តូរឆ្នាំការិយបរិច្ឆេទគណនេយ្យរបស់ក្រុមហ៊ុន ផេសថិក (ខេមបូឌា)។