១ - កាលបរិច្ឆេទប្រជុំ | 2020-11-25 10:00 |
២ - របៀបវារៈ |
៩:០០ នាទីព្រឹក ការចុះឈ្មោះរបស់ភាគហ៊ុនិក ១០:០០ នាទីព្រឹក ការណែនាំសមាសភាពនៃក្រុមប្រឹក្សាភិបាល ១០:០៥ នាទីព្រឹក រៀបរាប់អំពីរបៀបវារៈនៃកិច្ចប្រជុំ និងធ្វើ បទបង្ហាញស្តីពីដំណើរការនៃការបោះឆ្នោត ១០:១០នាទីព្រឹក មតិស្វាគមន៍បើក ១០:១៥នាទីព្រឹក បទបង្ហាញអំពីរបាយការណ៍សមិទ្ធផលអាជីវកម្មប្រចាំឆ្នាំសម្រាប់ឆ្នាំហិរញ្ញវត្ថុដបានបញ្ចប់ នៅថ្ងៃទី៣០ ខែមិថុនាឆ្នាំ ២០២០ ១០:២០ នាទីព្រឹក សំណួរ-ចម្លើយ ១០:២១ នាទីព្រឹក ការអនុម័តលើកញ្ចប់លាភការការរបស់ក្រុមប្រឹក្សាភិបាល ១០:២៤ នាទីព្រឹក ការអនុម័តលើការតែងតាំងឡើងវិញនូវក្រុមហ៊ុន ហ្គ្រេនសនថុន (ខេមបូឌា) លីមីតធីតជាសវនកររបស់ក្រុមហ៊ុន១០:២៧នាទី ព្រឹក ការអនុម័តលើការធ្វើវិសោធនកម្មលក្ខន្តិកៈក្រុមហ៊ុន ដោយលុបមាត្រា ២៩ (ចាស់)ទាំងស្រុងហើយជំនួសដោយមាត្រា ២(ថ្មី) ១០:៣០ នាទីព្រឹក ប្រមូលសន្លឹកឆ្នោត ១០:៣៥ នាទីព្រឹក សម្រាកពិសារតែ-កាហ្វេ ១០:៥០ នាទីព្រឹក ការប្រកាសលទ្ធផលបោះឆ្នោត ១១:០០នាទីព្រឹក បិទកម្មវិធី |
៣ - សេចក្តីសង្ខេបនៃលទ្ធផលប្រជុំ |
កិច្ចប្រជុំបានពិនិត្យ ពិភាក្សា និងអនុម័ត ដូចខាងក្រោម៖ ១-អនុម័តលើកញ្ចប់លាភការរបស់អភិបាល ក្រុមប្រឹក្សាភិបាល(៩៥,០៦%) ២- អនុម័តលើការតែងតាំងឡើងវិញនូវក្រុមហ៊ុន ហ្គ្រេន សនថុន (ខេមបូឌា) លីមីតធីត ជាសវនកររបស់ក្រុមហ៊ុន(៩៥,០៦%) ៣-អនុម័តលើការធ្វើវិសោធនកម្មលក្ខន្តិកៈក្រុមហ៊ុន ដោយលុបមាត្រា ២៩ (ចាស់)ទាំងស្រុងហើយជំនួសដោយមាត្រា ២៩ (ថ្មី) (៩៥,០៦%)។ |
៤ - ផ្សេងៗ |
ឯកឧត្តម ដាវ អានសាន ប្រធាននៃកិច្ចប្រជុំ បានចាប់ផ្តើមកិច្ចប្រជុំមហាសន្និបាតភាគហ៊ុនិក នៅម៉ោង ១០:០០ នាទីព្រឹក។ បន្ទាប់មក ឯកឧត្តម បានណែនាំខ្លួន និងកញ្ញា តាន់ សូចាន់ លេខាធិ-ការក្រុមហ៊ុន ដែលមានវត្តមានផ្ទាល់នៅក្នុងកិច្ចប្រជុំ ហើយណែនាំផងដែរនូវសមាសភាពក្រុមប្រឹក្សាភិបាលដែលមានវត្តមានចូលរួម តាមរយៈ អ៊ិនធើណែតដល់ភាគហ៊ុនិក។ លេខាធិការក្រុមហ៊ុនបានជម្រាបជូនប្រធានកិច្ចប្រជុំថាចំនួនកូរ៉ុមចូលរួមកិច្ចប្រជុំនេះ គឺស្របតាមលក្ខន្តិកៈក្រុមហ៊ុន ហើយប្រធានកិច្ចប្រជុំបានប្រកាសថាកិច្ចប្រជុំនេះអាចប្រព្រឹត្តទៅបាន។ លេខាធិការក្រុមហ៊ុនបានណែនាំអំពីវិធានផ្ទៃក្នុង និងនីតិវិធីបោះឆ្នោតនៃកិច្ចប្រជុំ។ បន្ទាប់មក ប្រធាននៃកិច្ចប្រជុំបានថ្លែងសុន្ទរកថាបើក និងលើកឡើងពីសមិទ្ធិផលអាជីវកម្មប្រចាំឆ្នាំសម្រាប់ឆ្នាំហិរញ្ញវត្ថុដែលបានបញ្ចប់នៅថ្ងៃទី៣០ ខែមិថុនា ឆ្នាំ២០២០ ដល់ភាគហ៊ុនិក។ លោកបានអញ្ជើញភាគហ៊ុនិកឱ្យចូលរួមវគ្គសំណួរ និងចម្លើយ ករណីពួកគេមានចម្ងល់ណាមួយ។ បន្ទាប់ពីវគ្គសំណួរ និងចម្លើយ លោកបានលើកឡើងនូវសេចក្តីសម្រេចដែលនឹងត្រូវបោះឆ្នោតដោយសម្លេងឆ្នោត។ដូចខាងក្រោម៖ ១- អនុម័តលើកញ្ចប់លាភការរបស់ក្រុមប្រឹក្សាភិបាល ២- អនុម័តលើការតែងតាំងឡើងវិញនូវក្រុមហ៊ុន ហ្គ្រេន សនថុន (ខេមបូឌា) លីមីតធីត ជា សវនកររបស់ក្រុមហ៊ុន ៣-អនុម័តលើការធ្វើវិសោធនកម្មលក្ខន្តិកៈក្រុមហ៊ុន ដោយលុបមាត្រា ២៩ (ចាស់)ទាំងស្រុងហើយជំនួសដោយមាត្រា ២៩ (ថ្មី) ប្រធាននៃកិច្ចប្រជុំបានប្រកាសចាប់ផ្តើមការបោះឆ្នោត ហើយភាគហ៊ុនិកតម្រូវអោយធ្វើការបោះឆ្នោតតាមរយៈសន្លឹកឆ្នោតដែលបានចែកជូនក្នុងអំឡុងពេលចុះឈ្មោះចូលរួមកិច្ចប្រជុំ។ ភាគហ៊ុនិកត្រូវបានអញ្ជើញឱ្យសម្រាកពិសាតែ-កាហ្វេ អំឡុងពេលរង់ចាំលទ្ធផលបោះឆ្នោត។ ជាកិច្ចបញ្ចប់ ភាគហ៊ុនិកបានអនុម័តលើសេចក្តីសម្រេចទាំង ៣ (បី) ។ កិច្ចប្រជុំត្រូវបានបញ្ចប់នៅម៉ោង ១១:០០ នាទីព្រឹក។ |