សេចក្តីលម្អិត៖: សម្រាប់ត្រីមាសទី៣ ឆ្នាំ២០២០ ធនាគារវឌ្ឍនៈអាស៊ី ចំកាត់ ទទួលបានចំណូលពីការប្រាក់សរុបចំនួន ៣៦២.៤៤៧ លានរៀល ដែលកើនឡើង ប្រមាណ ២៧,៦៤% និង ប្រាក់ចំណេញចំនួន ១៥៩.៥៦០ លានរៀល ដែលកើនឡើងប្រមាណ ២៥,៤៣% ធៀបនឹងត្រីមាសទី៣ ឆ្នាំ២០១៩។ គិតត្រឹមដំណាច់ការិយបរិច្ឆេទ ថ្ងៃទី៣០ ខែកញ្ញា ឆ្នាំ២០២០ ទ្រព្យសកម្មសរុបមានចំនួន ២៣.១៩៦.៧០១ លានរៀល កើនឡើង ២៩,៥២% និង មូលនិធិភាគទុនិកសរុមមានចំនួន ២.៩៥៣.១៩២លានរៀល កើនឡើង ៤៦% ធៀបនឹងចុងការិយបរិច្ឆេទ ខែធ្នូ ឆ្នាំ២០១៩។ សូចនាករសំខាន់ៗនៅក្នុងត្រីមាសទី៣ ឆ្នាំ២០២០ ត្រូវបានបង្ហាញដូចខាងក្រោម៖ អនុបាតចំណេញធៀបនឹងមូលធនមធ្យម : ៥,៥៦% អនុបាតចំណេញធៀបនឹងទ្រព្យសកម្មមធ្យម : ០,៧៣% អនុបាតផលបត្រឥណទានធៀបនឹងទ្រព្យសកម្ម : ៦០,៧៧% ចំណាយប្រតិបត្តិការធៀបនឹងផលបត្រឥណទានជាមធ្យម : ០,៨៦% អនុបាតចំណាយធៀបនឹងចំណូល : ៣៥,៧៦% អត្រាចំណូលលើផលបត្រឥណទានជាមធ្យម : ២,៥៧% អនុបាតសោធនភាព : ១៩,១៩% អនុបាតឥណទានមិនដំណើរការ : ០,៨៣% អនុបាតប្រាក់បញ្ញើឥណទាន : ៧៦,៥៦% ចំនួនគណនីឥណទាន : ៧៧.៧៩២ ចំនួនបុគ្គលិក : ៦.២០៦ ចំនួនការិយាល័យ : ៧៧