ក្រុមហ៊ុនផ្សារមូលបត្រកម្ពុជា (ផ.ម.ក.) មានកិត្តិយសសូមជម្រាបជូនដំណឹងដល់វិនិយោគិន ក៏ដូចជាសាធារណជនទាំងអស់មេត្តាជ្រាបថា៖ ផ.ម.ក.នឹងមានរៀបចំកម្មវិធីប្រកួតជួញដូរភាគហ៊ុនជាលើកទីបី ដែលនឹងប្រព្រឹត្តទៅចាប់ពីថ្ងៃទី ៣០ ខែតុលា ឆ្នាំ ២០១៨ ដល់ថ្ងៃទី ១៨  ខែមករា ឆ្នាំ ២០១៩។  ការប្រកួតនេះនឹងជំរុញឱ្យទីផ្សារមូលបត្រកម្ពុជារីកចម្រើនបានមួយកម្រឹតទៀត ដោយបង្កើនចំណាប់អារម្មណ៍របស់សាធារណ-ជន និងពង្រីកការយល់ដឹងទៅលើទីផ្សារមូលបត្រ ព្រមទាំងទាក់ទាញវិនិយោគិនមានស្រាប់ឱ្យបន្តវិនិយោគនៅលើទីផ្សារ។

សូមបញ្ជាក់ថា ក្នុងអំឡុងពេលប្រកួត អ្នកចុះឈ្មោះចូលរួមជោគជ័យទាំងអស់នឹងធ្វើការជួញដូរជាមួយកម្រៃជើងសារក្នុង អត្រាទាបជាងធម្មតា ​(០,២៥%​) និងមិនមានកម្រៃជើងសារ​អប្បបរមា។ ជ័យលាភីចំនួនបីរូប ដែលបានជួញដូរទទួលបានអត្រាចំណេញជាភាគរយច្រើនជាងគេ នឹងទទួលបានរង្វាន់ជាទឹកប្រាក់ចំនួន  ៨​.000.000​រៀល, ៥.000.000​រៀល, និង  ៣.000.000​រៀល រួមជាមួយនឹងពានរង្វាន់ជ័យលាភីពី ផ.ម.ក.។ ក្រៅពីនេះ ផ.ម.ក.នឹងផ្តល់ជូនជារង្វាន់លើកទឹកចិត្តដល់បេក្ខជនទទួលចំណាត់ថ្នាក់ ទី៤ ដល់ ទី៨ ក្នុងម្នាក់ៗ ចំនួន៥០០.០០០រៀល។

ការចុះឈ្មោះចូលរួមប្រកួតនឹងចាប់ផ្តើមពី  ថ្ងៃទី ១១ ខែកញ្ញា រហូតដល់  ថ្ងៃទី ២៥ ខែ តុលា ឆ្នាំ២០១៧ តាមរយៈ bit.do/CSXCompetition

សម្រាប់ព័ត៌មានបន្ថែម ៖

- សូមចូលទៅកាន់ទំព័រFacebookផ្លូវការរបស់​ផ.ម.ក​៖ facebook.com/cambodia.csx

- ទូរសព្ទ៖ (+855) 23 958 888, (+855)78​ 803 301

- អ៊ីម៉ែល៖ stocktradingcompetition@csx.com.kh​​​