រដ្ឋាករទឹកស្វយ័តក្រុងភ្នំពេញ (រ.ទ.ស.ភ) ត្រូវបានបង្កើតឡើងជាគ្រឹះស្ថានសាធារណៈដែលមានលក្ខណៈសេដ្ឋកិច្ច ស្ថិតក្រោមច្បាប់ស្តីពីលក្ខន្តិកៈទូទៅនៃសហគ្រាសសាធារណៈ។ នៅថ្ងៃទី១៨ ខែមេសា ឆ្នាំ២០១២ រ.ទ.ស.ភ បានចុះបញ្ជីជាផ្លូវការនៅក្រុមហ៊ុនផ្សារមូលបត្រកម្ពុជា ដោយបានបោះផ្សាយលក់មូលបត្រជាសាធារណៈចំនួន ១៣.០៤៥.៩៧៥ ភាគហ៊ុន ដែលស្មើនឹង ១៥% នៃចំនួនភាគហ៊ុនធម្មតាសរុប ។
រ.ទ.ស.ភ បានប្តេជ្ញាចិត្តបន្តធ្វើឱ្យសេវាផ្គត់ផ្គង់ទឹកស្អាតរបស់ខ្លួនមានការរីកចម្រើនប្រកបដោយចេរភាព ព្រមទាំងធ្វើជាអ្នកផ្តល់ប្រឹក្សា ជាអ្នកសម្របសម្រួល ដើម្បីឱ្យប្រជាពលរដ្ឋរស់នៅក្នុងទីប្រជុំជន ខេត្ត-ក្រុងនៅទូទាំងព្រះរាជាណាចក្រកម្ពុជា និងប្រជាពលរដ្ឋរស់នៅក្នុងបណ្តាប្រទេសកំពុងអភិវឌ្ឍន៍ ក្នុងពិភពលោកមានទឹកស្អាតប្រើប្រាស់ទាំងអស់គ្នា។
បេសកកម្មរបស់ រ.ទ.ស.ភ គឺធានាផ្គត់ផ្គង់ទឹកស្អាតគ្មានមេរោគ ២៤ម៉ោងក្នុងមួយថ្ងៃ ៧ថ្ងៃក្នុងមួយសប្តាហ៍ មានសម្ពាធគ្រប់គ្រាន់ និងក្នុងតម្លៃមួយសមស្របជូនប្រជាពលរដ្ឋទូទាំងរាជធានីភ្នំពេញ និងទីប្រជុំជនរបស់ខេត្តកណ្តាលដែលជាប់នឹងរាជធានីភ្នំពេញ ដោយមិនមើលរំលងប្រជាពលរដ្ឋក្រីក្រ។ ក្រៅពីនេះ រ.ទ.ស.ភ បាននឹងកំពុងចែករំលែកពិសោធន៍ការងាររបស់ខ្លួន ដល់បណ្តារដ្ឋាករទឹក ខេត្ត-ក្រុងមួយចំនួននៅក្នុងព្រះរាជាណាចក្រកម្ពុជា ព្រមទាំងបណ្តាអង្គភាពទឹកស្អាតក្នុងតំបន់ និងក្នុងពិភពលោកតាមពរសំដៅសម្រេចបាននូវគោលដៅអភិវឌ្ឍន៍សហស្សវត្សរ៍កម្ពុជា ក៏ដូចជាគោលដៅអភិវឌ្ឍន៍សហស្សវត្សរ៍ពិភពលោក។
នៅក្នុងឆ្នាំ២០២១ រ.ទ.ស.ភ បានផលិតទឹកស្អាតចំនួន ២៣១.៨៧១.៥៣១ម៣ ប្រកបដោយគុណភាពស្របតាមស្តង់ដាររបស់អង្គការ សុខភាពពិភពលោក (WHO) និងបានពង្រីកប្រព័ន្ធចែកចាយសរុបរហូតដល់ ៣.៨៤៩គីឡូម៉ែត្រ សម្រាប់ផ្គត់ផ្គង់ទឹកស្អាតជូនអតិថិជនសរុប ចំនួន ៤៣១.៤០១ បណ្តាញ។
ក្នុងឆ្នំា២០២១ រ.ទ.ស.ភ មានចំណូលសរុបចំនួន ៣៦៩.១៤៥.២៥៧.០០០រៀល កើនឡើងជាងឆ្នំា២០២០ ចំនួន ៤៤.៧៧៨.៤០១.០០០រៀល ឬ ១៣,៨០%និងចំណេញសុទ្ធក្នុងការិយបរិច្ឆេទសរុបចំនួន ១២៩.២៧៣.៩១៧.០០០រៀល កើនឡើងចំនួន ៤០.៩២២.០៧២.០០០រៀល ឬ ៤៦,៣២% បើធៀបនឹងឆ្នំា២០២០។ នាថ្ងៃទី៣១ ខែធ្នូ ឆ្នំា២០២១ នេះដែរ ទ្រព្យសកម្មសរុបរបស់ រ.ទ.ស.ភ មានចំនួន ២.៣០៦.៨០៦.១៧៤.០០០រៀល កើនឡើងចំនួន ៤៤២.១៨៨.០៣៤.០០០រៀល ឬ ២៣,៧១% និងមូលធនសរុបមានចំនួន ១.១៦៦.៦២៨.២១៣.០០០រៀល កើនឡើងចំនួន ១៨៤.៥៧៥.៥៥៦.០០០រៀល ឬ ១៨,៧៩%។
| ឆ្នំាបង្កើត | 1895 |
|---|---|
| ចំនួនបុគ្គលិក | 1030 |
| សវនករ | Grant Thornton (Cambodia) Limited. |
| ផែនការនាពេលអនាគត |
|
| ចំណេញសុទ្ធ | 33,067.83 ( Mil. KHR) |
|---|---|
| ចំណូល | 232,893.09 ( Mil. KHR) |
| ចំណាត់ថ្នាក់វិស័យ | ផលិត និងចែកចាយទឹក |
| អាសយដ្ឋាន | អគារលេខ649 តីរវិថីព្រះស៊ីវត្ថិ សង្កាត់ស្រះចក ខណ្ឌដូនពេញ ភ្នំពេញ |
| ទូរស័ព្ទ | (+855) 23-724-046 |
| អ៊ីម៉ែល | Admin@ppwsa.com.kh |
| គេហទំព័រ | http://www.ppwsa.com.kh |
| ១. ឯកឧត្ដម អ៊ុំ សុថា | ប្រធាន (រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍) |
| ២. ឯកឧត្ដម ម៉ី វ៉ាន់ | សមាជិក (រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ) |
| ៣. ឯកឧត្ដម ឡុង ណារ៉ូ | សមាជិក (អគ្គនាយក រ.ទ.ស.ភ) |
| ៤. ឯកឧត្ដម នួន ផារ័ត្ន | សមាជិក (តំណាងរដ្ឋបាលរាជធានីភ្នំពេញ) |
| ៥. លោក ម៉ា ណូវ៉ាវីន | សមាជិក (តំណាងបុគ្គលិករ.ទ.ស.ក.) |
| ៦. លោក ចាង ឃុនហ្វេង | សមាជិក (អភិបាលមិនមែនប្រតិបត្តិ តំណាងភាគហ៊ុនិកឯកជន) |
| ៧. លោក អោម សេងបូរ៉ា | សមាជិក (អភិបាលឯករាជ្យ) |
រដ្ឋាករទឹកស្វយ័តក្រុងភ្នំពេញបានអនុវត្តកម្មវិធីទំនួលខុសត្រូវសង្គម (CSR) ដោយបានផ្តល់សេវាប្រាក់ឧបត្ថម្ភដល់ប្រជាជនក្រីក្រក្រោមឈ្មោះថា "Clean Water for All"។ កម្មវិធីនេះត្រូវបានគាំទ្រដោយប្រាក់បរិច្ចាគពីធនាគារពិភពលោក(World Bank)ទីក្រុងប៉ារីសនិងសមាគមអន្តរជាតិនៃបណ្តាញភ្នាក់ងារភាសាបារាំង (AIMF) ។
| 2019 | 2020 | 2021 | |
| ទ្រព្យសកម្ម | 1,604,343.92 | 1,864,618.14 | 2,306,806.17 |
| សាច់ប្រាក់ | 55,212.07 | 50,215.00 | 89,660.00 |
| គណនីត្រូវទទួល | 13,564.80 | 25,642.20 | 24,875.17 |
| សន្និធិ | 103,755.87 | 78,612.88 | 143,731.51 |
| ទ្រព្យសកម្មរយៈពេលខ្លី | 261,901.36 | 277,932.83 | 400,411.28 |
| ទ្រព្យសម្បត្តិ,រោងចក្រនិងបរិក្ខារ | 1,374,031.55 | 1,573,602.09 | 1,893,864.62 |
| បំណុល | 690,639.28 | 882,565.48 | 1,140,177.96 |
|---|---|---|---|
| គណនីត្រូវបង់ | 196,661.33 | 156,599.80 | 141,969.55 |
| បំណុលរយៈពេលខ្លី | 240,805.59 | 218,752.49 | 191,252.65 |
| មូលធនរបស់ភាគហ៊ុនិក | 913,704.64 | 982,052.65 | 1,166,628.21 |
|---|---|---|---|
| ដើមទុន | 541,227.28 | 541,227.28 | 619,315.89 |
| ចំណេញរក្សាទុក | 33,291.91 | 88,351.84 | 129,273.92 |
| 2019 | 2020 | 2021 | |
| ចំណូល | 216,496.82 | 324,367.85 | 369,145.26 |
| ចំណេញដុល | - | - | - |
| ចំណេញប្រតិបត្តិការ | 51,974.44 | 129,586.67 | 157,096.30 |
| ចំណេញសុទ្ធ | 33,291.91 | 88,351.84 | 129,273.92 |
| 2019 | 2020 | 2021 | |
| លំហូរសាច់ប្រាក់ពីសកម្មភាពប្រតិបត្តិការ | 224,718.62 | 73,817.00 | 69,297.00 |
| លំហូរសាច់ប្រាក់ពីសកម្មភាពវិនិយោគ | (185,971.65) | (60,123.88) | (342,859.00) |
| លំហូរសាច់ប្រាក់ពីសកម្មភាពហិរញ្ញប្បទាន | 3,111.34 | 175,074.00 | 263,511.00 |
| លំហូរសាច់ប្រាក់សុទ្ធ | 41,858.31 | (4,997.00) | (10,051.00) |
| ថ្លៃ IPO (រៀល) | 6,300 |
|---|---|
| តម្លៃចារឹក (រៀល) | 1,000 |
| ចំនួនភាគហ៊ុនចុះបញ្ជី | 86,973,162 |
| ចំនួនភាគហ៊ុនបោះផ្សាយ | 13,045,975 |
| កាលបរិច្ឆេទជួញដូរដំបូង | 18-Apr-2012 |
| ថ្លៃបិទដំបូង (រៀល) | 9,300 |
| 2020 | 2021 | 2022 | |
| ប្រភេទភាគលាភ | Cash | Cash | Cash |
| រយ:ពេលភាគលាភ | 2019 | 2020 | 2021 |
| ភាគលាភសរុបដែលត្រូវបែងចែក | KHR 20,003,827,260 | KHR 22,786,968,444 | KHR 26,961,680,220 |
| អនុបាតភាគលាភបានបង់ | 60.09% | 25.79% | 20.86% |
| ភាគលាភក្នុងមួយឯកតាមូលបត្រកម្មសិទ្ធិ | KHR 230 | KHR 262 | KHR 310 |
| ទិន្នផលភាគលាភ | 3.83% | 4.30% | 4.33% |
| កាលបរិច្ឆេទប្រកាសបញ្ជីឈ្មោះភាគហ៊ុនិកដែលត្រូវទទួលបានភាគលាភ | 02-Jul-2020 | 21-Apr-2021 | 30-May-2022 |
| កាលបរិច្ឆេទទូទាត់ភាគលាភ | 13-Jul-2020 | 01-Jun-2021 | 08-Jun-2022 |
ក្រោយពីបានអនុម័តលើគណនី បើពិនិត្យឃើញថាមានចំណេញ ក្រុមប្រឹក្សាភិបាលនៃរដ្ឋាករទឹកស្វយ័តក្រុងភ្នំពេញ អាចសម្រេចផ្ទេរទឹកប្រាក់ទាំងនោះដើម្បី៖
១- ការទូទាត់ការខាតបង់នៅក្នុងឆ្នាំកន្លងទៅ
២- បន្ទាប់ពីបានទូទាត់ការខាតបង់នៅក្នុងឆ្នាំកន្លងទៅរួច ប្រសិនបើមានប្រាក់ចំណេញនោះប្រាក់ចំណេញនេះត្រូវបែងចែកសម្រាប់
ក- ថ្លែងសរសើរដល់ថ្នាក់ដឹកនាំ និងនិយោជិត តាមលក្ខខណ្ឌ៖
- ក្នុងករណីប្រាក់ចំណេញនៅសល់មានចំនួនពី ៥% ដល់ ១០% នៃចំណាយដំណើរការរបស់ រដ្ឋាករទឹកស្វយ័តក្រុងភ្នំពេញ សរុបក្នុងឆ្នាំ នោះការថ្លែងសរសើរត្រូវស្មើនឹងមួយខែនៃប្រាក់បៀវត្សសុទ្ធសាធរបស់ថ្នាក់ដឹកនាំ និងនិយោជិតម្នាក់ៗ។
- ក្នុងករណីប្រាក់ចំណេញលើសពី ១០% ដល់ ២០% នៃចំណាយដំណើរការរបស់ រដ្ឋាករទឹកស្វយ័តក្រុងភ្នំពេញ សរុបក្នុងឆ្នាំ នោះការថ្លែងសរសើរត្រូវស្មើនឹងពីរខែនៃប្រាក់ បៀវត្សសុទ្ធសាធរបស់ថ្នាក់ដឹកនាំ និងនិយោជិតម្នាក់ៗ។
- ក្នុងករណីប្រាក់ចំណេញលើសពី ២០% នៃចំណាយដំណើរការរបស់រដ្ឋាករទឹកស្វយ័តក្រុងភ្នំពេញ សរុបក្នុងឆ្នាំ នោះការថ្លែងសរសើរត្រូវស្មើនឹងបីខែនៃប្រាក់បៀវត្សសុទ្ធសាធ របស់ថ្នាក់ដឹកនាំ និងនិយោជិតម្នាក់ៗ។
ខ- ចំនួន ២% សម្រាប់ប្រាក់សោធននិវត្ត និងអសមត្ថភាពវិជ្ជាជីវៈ។
គ- បង្កើតភាគបម្រុងតាមច្បាប់ ៥%។
ឃ- បង្កើតភាគបម្រុងសេរីចំនួន ៥%។
ង- មូលនិធិ ៥% លើប្រាក់ចំណេញសម្រាប់បម្រើផលប្រយោជន៍សង្គម ដែលត្រូវកត់ត្រាចូលក្នុងបន្ទុកក្នុងឆ្នាំ ដែលធ្វើប្រតិបត្តិការចំណាយនោះ។
៣- ចំនួនប្រាក់ដែលនៅសល់បន្ទាប់ពីការបែងចែកខាងលើនេះត្រូវ៖
ក- ដកប្រាក់រក្សាទុកដើម្បីធ្វើការវិនិយោគនាពេលខាងមុខ ដែលចំនួននេះត្រូវអនុម័តដោយក្រុមប្រឹក្សាភិបាល។
ខ- ប្រាក់នៅសល់ក្រោយពីការរក្សាទុកសម្រាប់ធ្វើការវិនិយោគត្រូវធ្វើការបែងចែក ៨៥% ទៅក្រសួងសេដ្ឋកិច្ច និងហិរញ្ញវត្ថុ និង ១៥% ទៅភាគហ៊ុនិកដែលជាវិនិយោគិនសាធារណៈ។
| 2018 | 2017 | 2016 | |
ចំណេញធៀបនឹងមូលធន[4] |
4.47% | 3.99% | 6.14% |
ចំណេញធៀបនឹងទ្រព្យសកម្ម[5] |
5.24% | 2.49% | 3.87% |
ចំណេញក្នុងមួយភាគហ៊ុន(រៀល)[6] |
846.32 | 380.21 | 566.53 |
| អនុបាតចរន្ត | 1.58% | 2.04% | 3.31% |
| កម្រិតប្រាក់ចំណេញ | -% | -% | -% |
| កម្រិតចំណេញពីសកម្មភាពប្រតិបត្តិការ | -% | -% | 29% |
| កម្រិតចំណេញសុទ្ធ | -% | -% | 24.86% |
| អត្រាកំណើននៃការលក់ | -% | -% | 3.57% |
