១ - កាលបរិច្ឆេទប្រជុំ: 2024-05-15 09:30 ២ - របៀបវារៈ: ៩:០០ ព្រឹក៖ ការចុះវត្តមានភាគហ៊ុនិក ៩:៣០ ព្រឹក៖ ការបង្ហាញអំពីរបៀបវារៈនៃកិច្ចប្រជុំ និងបទបង្ហាញស្តីពីដំណើរការនៃការបោះឆ្នោត ៩:៤០ ព្រឹក៖ មតិស្វាគមន៍ដោយ លោក ដាវ អានសាន ប្រធានអង្គប្រជុំ ៩:៥០ ព្រឹក៖ ការអនុម័តលើសេចក្តីសម្រេចដូចខាងក្រោម៖ ១. ការអនុម័តលើការប្តូរអាសយដ្ឋានចុះបញ្ជីរបស់ក្រុមហ៊ុន ២. ការអនុម័តលើការធ្វើវិសោធនកម្មលើលក្ខន្តិកៈក្រុមហ៊ុន ដោយធ្វើបច្ចុប្បន្នភាពលើអាសយដ្ឋានចុះបញ្ជីរបស់ក្រុមហ៊ុន ប្ដូរមាត្រា ៥០ (ចាស់) ទាំងស្រុង និងជំនួសវិញដោយ មាត្រា ៥០ (ថ្មី) ១០:២០ ព្រឹក៖ ប្រមូលសន្លឹកឆ្នោត និង ការប្រកាសលទ្ធផលបោះឆ្នោត ១០:៣០ ព្រឹក៖ បញ្ចប់កិច្ចប្រជុំ ៣ - សេចក្តីសង្ខេបនៃលទ្ធផលប្រជុំ: កិច្ចប្រជុំបានពិនិត្យ ពិភាក្សា និងសម្រេចដូចខាងក្រោម៖ ១. ការអនុម័តលើការប្តូរអាសយដ្ឋានចុះបញ្ជីរបស់ក្រុមហ៊ុន ២. ការអនុម័តលើការធ្វើវិសោធនកម្មលើលក្ខន្តិកៈក្រុមហ៊ុន ដោយធ្វើបច្ចុប្បន្នភាពលើអាសយដ្ឋានចុះបញ្ជីរបស់ក្រុមហ៊ុន ប្ដូរមាត្រា ៥០ (ចាស់) ទាំងស្រុង និងជំនួសវិញដោយ មាត្រា ៥០ (ថ្មី) ៤ - ផ្សេងៗ: លោក ដាវ អានសាន ប្រធានអង្គប្រជុំបានចាប់ផ្ដើមបើកមហាសន្និបាតនៅវេលាម៉ោង ៩៖៣០ ព្រឹក ហើយបានស្វាគមន៍ភាហ៊ុនិក អ្នកតំណាង និងភ្ញៀវកិត្តិយសដែលបានចូលរួមក្នុងមហាសន្និបាតនេះ។ លោកបានណែនាំលេខាធិការក្រុមហ៊ុន ដល់ក្រុមភាគហ៊ុនិកឲ្យបានស្គាល់។ កញ្ញា ពិន សុគន្ធទេវី លេខាធិការក្រុមហ៊ុនបានជម្រាបជូន ប្រធានអង្គប្រជុំថា ចំនួនកូរ៉ុមចូលរួមកិច្ចប្រជុំនេះ គឺស្របតាមលក្ខន្តិកៈក្រុមហ៊ុន ហើយប្រធានអង្គប្រជុំបានប្រកាសថាកិច្ចប្រជុំត្រូវបានចាប់ផ្តើម។ លេខាធិការក្រុមហ៊ុនបានណែនាំពីបទបញ្ជាផ្ទៃក្នុងនៃមហាសន្និបាតហើយសង្ខេបអំពីនីដំណើរការនៃកិច្ចប្រជុំ និងនីតិវិធីបោះឆ្នោត។ ប្រធានអង្គប្រជុំត្រូវបានអញ្ជើញឲ្យផ្ដល់ជាសន្ទរកថាស្វាគមន៍។ ប្រធានអង្គប្រជុំបានលើកយកសេចក្ដីសម្រេចខាងក្រោមដើម្បីមកបោះឆ្នោត៖ ១. ការអនុម័តលើការប្តូរអាសយដ្ឋានចុះបញ្ជីរបស់ក្រុមហ៊ុន ២. ការអនុម័តលើការធ្វើវិសោធនកម្មលើលក្ខន្តិកៈក្រុមហ៊ុន ដោយធ្វើបច្ចុប្បន្នភាពលើអាសយដ្ឋានចុះបញ្ជីរបស់ក្រុមហ៊ុន ប្ដូរមាត្រា ៥០ (ចាស់) ទាំងស្រុង និងជំនួសវិញដោយ មាត្រា ៥០ (ថ្មី) ប្រធានអង្គប្រជុំបានប្រកាសថាការបោះឆ្នោតនឹងត្រូវចាប់ផ្ដើម ហើយភាគហ៊ុនិកនិងអ្នកតំណាងត្រូវបោះឆ្នោតលើសេចក្ដីសម្រេចលើសន្លឹកបោះឆ្នោតដែលបានចែកជូនពេលចុះឈ្មោះ។ អ្នកចូលរួមទាំងអស់ រង់ចាំលទ្ធផលបោះឆ្នោត។ សរុបសេចក្ដីមក សេចក្ដីសម្រេចទាំងពីរ ត្រូវបានអនុម័តដោយភាគហ៊ុនិក។ មហាសន្និបាតត្រូវបានបិទបញ្ចប់នៅវេលាម៉ោង ១០:៣០ ព្រឹក។