១ - ចំនួនទឹកប្រាក់នៃកម្ចី: ១០០.០០០.០០០ ដុល្លារអាមេរិក ២ - អត្រាការប្រាក់នៃកម្ចី: រ.ទ.ស.ភ ត្រូវទូទាត់សងការប្រាក់ជូនក្រសួងសេដ្ឋកិច្ច និងហិរញ្ញវត្ថុ តាមអត្រាការប្រាក់ថេរ ឬប្រែប្រួល ដែលក្រសួងសេដ្ឋកិច្ច​ និងហិរញ្ញវត្ថុ ត្រូវទូទាត់សងការប្រាក់ទៅធនាគារវិនិយោគអឺរ៉ុប (EIB) បូកបន្ថែម ០,៣៥% ក្នុងមួយឆ្នាំ។ ៣ - រយៈពេលនៃកម្ចី: ២៥ ឆ្នាំ គិតចាប់ពីកាលបរិច្ឆេទដកប្រាក់ដើម។ ៤ - កាលបរិច្ជេទទទួលកម្ចី: 2019-11-07 ៥ - ឥណប្រតិទាននៃកម្ចី: កាលបរិច្ឆេទនៃការទូទាត់សងប្រាក់ដើមលើកចុងក្រោយ គឺមិនត្រូវមុនរយៈពេល ៤ឆ្នាំ និងមិនត្រូវយឺតជាង ២៥ឆ្នាំ ដោយគិតចាប់ពីកាលបរិច្ឆេទដកប្រាក់ដើម។ រ.ទ.ស.ភ ត្រូវទូទាត់សងប្រាក់ដើមជូនក្រសួងសេដ្ឋកិច្ច និងហិរញ្ញវត្ថុ ២ដងក្នុងមួយឆ្នាំស្មើៗគ្នា នៅរៀងរាល់ថ្ងៃទី១៥ ខែមិថុនា និងថ្ងៃទី១៥ ខែធ្នូ។ ៦ - ឈ្មោះឥណទាយក: ក្រសួងសេដ្ឋកិច្ច និងហិរញ្ញវត្ថុ ៧ - អនុបាតនៃកម្ចីធៀបនឹងមូលធនភាគហ៊ុនិក (%): ៤៤,២០% ៨ - អនុបាតនៃបំណុលសរុបធៀបនឹងមូលធនភាគហ៊ុនិក (%): ៦៣,២៥% ៩ - មូលធនភាគហ៊ុនិក: ≥ ៣០ ប៊ីលានរៀល ១០ - បរិយាយ: ក្រសួងសេដ្ឋកិច្ច និងហិរញ្ញវត្ថុបានចុះកិច្ចព្រមព្រៀងកម្ចីបន្តជាមួយរដ្ឋាករទឹកស្វយ័តក្រុងភ្នំពេញ (រ.ទ.ស.ភ) ដើម្បីផ្តល់ហិរញ្ញប្បទានកម្ចីបន្តចំនួន ១០០.០០០.០០០ ដុល្លារអាមេរិក ដែលក្រសួងសេដ្ឋកិច្ច និងហិរញ្ញវត្ថុទទួលបានហិរញ្ញប្បទានកម្ចីតាមរយៈការចុះកិច្ចព្រមព្រៀងកម្ចីជាមួយធនាគារវិនិយោគអឺរ៉ុប (EIB)។ ១១ - មូលហេតុ: ហិរញ្ញប្បទានកម្ចីនេះមានគោលបំណងសម្រាប់អនុវត្តនូវគម្រោងផ្គត់ផ្គង់ទឹកបាក់ខែង (ជំហាន ១) ដែលអាចផ្គត់ផ្គង់ទឹកជូនប្រជាពលរដ្ឋនៅតំបន់ជាយក្រុងបានប្រមាណ ២,៥ លាននាក់ ដែលរំពឹងថាចំនួននេះនឹងអាចកើនឡើងដល់ ២,៩លាននាក់ នៅឆ្នាំ២០៣៥។ គម្រោងផ្គត់ផ្គង់ទឹកបាក់ខែង (ជំហាន ១) គឺជាការអនុវត្តនូវផែនការមេរបស់ រ.ទ.ស.ភ (២០១៦-២០៣០) ដើម្បីឆ្លើយតបនូវការកើនឡើងនៃតម្រូវការប្រើប្រាស់ទឹកស្អាត ដោយបង្កើនសមត្ថភាពផលិតរហូតដល់ ៣៩០,០០០ម៣/ថ្ងៃ។ គម្រោងផ្គត់ផ្គង់ទឹកបាក់ខែង (ជំហាន ១) រួមមាន៖ - ស្ថានីយ៍បូមទឹកឆៅ - បំពង់មេនាំទឹកឆៅ - រោងចក្រប្រព្រឹត្តកម្មទឹកស្អាត ជំហាន ១ (១៩៥,០០០ម៣/ថ្ងៃ) - បំពង់មេនាំទឹកស្អាត - ការដាក់បំពង់ឆ្លងកាត់ទន្លេសាប - ពង្រឹងនូវបណ្តាញចែកចាយនៅក្នុងរាជធានីភ្នំពេញ និងជំនួយបច្ចេកទេស