សេចក្តីលម្អិត៖: របាយការណ៍ហិរញ្ញវត្ថុប្រចាំត្រីមាសទី២ ឆ្នាំ២០២០ របស់ធនាគារវឌ្ឍនៈអាស៊ី ចំកាត់ ត្រូវបានរៀបចំឡើង ទៅតាមស្តង់ដារបាយការណ៍ហិរញ្ញវត្ថុអន្តរជាតិនៃកម្ពុជា CIFRS មានដូចខាងក្រោម៖ សម្រាប់ត្រីមាសទី២ ឆ្នាំ២០២០ ធនាគារវឌ្ឍនៈអាស៊ី ចំកាត់ ទទួលបានចំណូលពីការប្រាក់សរុបចំនួន ៣៣៤.៩៦០លានរៀល ដែលកើនឡើង ប្រមាណ ៣២,៦៣% និង ប្រាក់ចំណេញចំនួន ១៣៧.៤៤០លានរៀល ដែលកើនឡើងប្រមាណ ២៥,០៩% ធៀបនឹងត្រីមាសទី២ ឆ្នាំ២០១៩។ គិតត្រឹមដំណាច់ការិយបរិច្ឆេទ ថ្ងៃទី៣០ ខែមិថុនា ឆ្នាំ២០២០ ទ្រព្យសកម្មសរុបមានចំនួន ២០.៣៦៦.៦៥៥លានរៀល កើនឡើង ១៣,៧២% និង មូលនិធិភាគទុនិកសរុមមានចំនួន ២.៧៩១.១៥៦លានរៀល កើនឡើង ៣៧,៩៩% ធៀបនឹងចុងការិយបរិច្ឆេទ ខែធ្នូ ឆ្នាំ២០១៩។ សូចនាករសំខាន់ៗនៅក្នុងត្រីមាសទី២ ឆ្នាំ២០២០ ត្រូវបានបង្ហាញដូចខាងក្រោម៖ អនុបាតចំណេញធៀបនឹងមូលធនមធ្យម : ៥,០៦% អនុបាតចំណេញធៀបនឹងទ្រព្យសកម្មមធ្យម : ០,៧០% អនុបាតផលប័ត្រឥណទានធៀបនឹងទ្រព្យសកម្ម : ៦២,៨៦% ចំណាយប្រតិបត្តិការធៀបនឹងផលប័ត្រឥណទានជាមធ្យម : ០,៩៦% អនុបាតចំណាយធៀបនឹងចំណូល : ៤០,៧២% អត្រាចំណូលលើផលប័ត្រឥណទានជាមធ្យម : ២,៦២% អនុបាតសោធនភាព : ២១,០៨% អនុបាតឥណទានមិនដំណើរការ : ០,៩០% អនុបាតប្រាក់បញ្ញើឥណទាន : ៨១,៨៦% ចំនួនគណនីឥណទាន : ៧៤.០៨២ ចំនួនបុគ្គលិក : ៦.៥១៦ ចំនួនការិយាល័យ : ៧៧