ក្នុងត្រីមាសទី១ ឆ្នាំ២០២២ គ្រឹះស្ថានមីក្រូហិរញ្ញវត្ថុ ប្រាសាក់ ម.ក មានចំណូលការប្រាក់សរុបចំនួន ៥៧១.៨៥៤ លានរៀល កើនជាងត្រីមាសទី១ ឆ្នាំ២០២១ ចំនួន ៨៩.៥៧០ លានរៀល ស្មើនឹង ១៨,៥៧% និងប្រាក់ចំណេញសុទ្ធសម្រាប់ការិយបរិច្ឆេទបញ្ចប់៣ខែ ក្នុងត្រីមាសទី១ ឆ្នាំ២០២២ សរុបចំនួន ២០០.៦៦០ លានរៀល កើនឡើងចំនួន ៥៤.៦៨២ លានរៀល ស្មើនឹង ៣៧,៤៦% បើប្រៀបធៀបនឹងត្រីមាសទី១ ឆ្នាំ២០២១។ នាថ្ងៃទី៣១ ខែមីនា ឆ្នាំ២០២២ នេះដែរ ទ្រព្យសកម្មសរុបរបស់គ្រឹះស្ថានមីក្រូហិរញ្ញវត្ថុ ប្រាសាក់ ម.ក មានចំនួន ១៨.៤០៨.១៩៤ លានរៀល កើនចំនួន ៨០៦.៤០៣ លានរៀល ស្មើនឹង ៤,៥៨% និងមូលធនសរុបមានចំនួន ២.៩៣១.០៩២ លានរៀល កើនចំនួន ១៨៣.៨៣៥ លានរៀល ស្មើនឹង ៦,៦៩% បើធៀបនឹងថ្ងៃទី៣១ ខែធ្នូ ឆ្នាំ២០២១។ សូចនាករសំខាន់ៗសម្រាប់ត្រីមាសទី១ ឆ្នាំ២០២២ មានដូចខាងក្រោម៖ ១. អនុបាតចំណេញធៀបនឹងមូលធនជាមធ្យមៈ ៧,០៧% ២. អនុបាតចំណេញធៀបនឹងទ្រព្យសកម្មជាមធ្យមៈ ១,១១% ៣. អនុបាតផលបត្រឥណទានធៀបនឹងទ្រព្យសកម្មៈ ៨៨,១០% ៤. អនុបាតចំណាយប្រតិបត្តិការធៀបនឹងផលបត្រឥណទានជាមធ្យមៈ ០,៧៥% ៥. អនុបាតចំណាយធៀបនឹងចំណូលៈ ៣២,៥៥% ៦. អនុបាតចំណូលលើផលមូលបត្រឥណទានជាមធ្យមៈ ៣,៦៧% ៧. អនុបាតសាធនភាពៈ ១៧,៨១% ៨. អនុបាតសន្ទនីយភាពៈ ១៥១,៩៧% ៩. អនុបាតឥណទានមិនដំណើរការៈ ១,២៤% ១០. អនុបាតប្រាក់បញ្ញើធៀបនឹងផលប័ត្រឥណទានៈ ៦៨,១៧% ១១. ចំនួនអតិថិជនសេវាឥណទានៈ ៤៧៣.៦០៤ នាក់ ១២. ចំនួនអតិថិជនសេវាបញ្ញើសន្សំៈ ៦៧៥.៤២៥ នាក់ ១៣. ចំនួនបុគ្គលិកៈ ៩.៣៨៣ នាក់ ១៤. ចំនួនការិយាល័យៈ ១៨២ ១៥. ចំនួនម៉ាស៊ីនអេធីអឹមៈ ១៤១ |