សេចក្តីលម្អិត៖: កំពង់ផែស្វយ័តក្រុងព្រះសីហនុ (កសស) មានកិត្តិយសសូមគោរពជម្រាបជូនដំណឹងដល់ភាគហ៊ុនិក ដែលកាន់កាប់ភាគហ៊ុនមានសិទ្ធិបោះឆ្នោត របស់ កសស ឲ្យបានជ្រាបថា៖ អនុលោមតាមស្មារតីអង្គប្រជុំក្រុមប្រឹក្សាភិបាល អាណត្តិទី៩ លើកទី៤, កសស នឹងធ្វើការបែងចែកភាគលាភប្រចាំឆ្នាំ២០២៤ ដូចខាងក្រោម៖ 1. ប្រភេទភាគលាភដែលត្រូវបែងចែក (Type of Dividend) ៖ សាច់ប្រាក់ 2. ប្រភពនៃភាគលាភ ៖ ប្រាក់ចំណេញប្រចាំឆ្នាំ២០២៤ 3. ចំនួនដងនៃការបែងចែកភាគលាភ (Period of Dividend) ៖ ប្រចាំឆ្នាំ២០២៤ 4. អនុបាតនៃការបែងចែកភាគលាភ (Dividend Payout Ratio) ៖ • អនុបាតនៃការបែងចែកសម្រាប់ភាគហ៊ុនប្រភេទ “ខ” ៖ ៣,៩៥% • អនុបាតនៃការបែងចែកសម្រាប់ភាគហ៊ុនប្រភេទ “គ” ៖ ៨,៥៣%, ៩,៣៧%, ឬ ១០,២៤% 5. ភាគលាភសរុបដែលត្រូវបែងចែក (Total Dividend) ៖ • ភាគលាភសរុបសម្រាប់ភាគហ៊ុនប្រភេទ”ខ” ៖ ៥.០០០.០០០.០០០ រៀល • ភាគលាភសរុបសម្រាប់ភាគហ៊ុនប្រភេទ”គ” ៖ ១០.៨០៧.២៦៧.៩៦៨ រៀល, ១១.៨៧៩.៤១៧.៥៦៨ រៀល, ឬ ១២.៩៧៣.០១០.១៦០ រៀល 6. ភាគលាភក្នុងមួយឯកតាមូលបត្រកម្មសិទ្ធិ (Dividend per Share) ៖ • ភាគលាភក្នុងមួយឯកតាមូលបត្រកម្មសិទ្ធិសម្រាប់ភាគហ៊ុនប្រភេទ”ខ” ៖ ៧៧,៧៣ រៀល • ភាគលាភក្នុងមួយឯកតាមូលបត្រកម្មសិទ្ធិសម្រាប់ភាគហ៊ុនប្រភេទ”គ” ៖ ៥០៤ រៀល, ៥៥៤ រៀល, ឬ ៦០៥ រៀល 7. កាលបរិច្ឆេទអិចរាយដ៍ (Ex-right) ៖ ថ្ងៃទី២ ខែកក្កដា ឆ្នាំ២០២៥ 8. កាលបរិច្ឆេទកំណត់ទុកបែងចែកភាគលាភ (Record Date) ៖ ថ្ងៃទី៣ ខែកក្កដា ឆ្នាំ២០២៥ 9. កាលបរិច្ឆេទចាប់ផ្ដើមទូទាត់ភាគលាភ (Payment Date) ៖ ថ្ងៃទី១៥ ខែកក្កដា ឆ្នាំ២០២៥ បញ្ជាក់ ៖ សម្រាប់ភាគលាភនឹងត្រូវធ្វើការបោះឆ្នោតអនុម័ត ក្នុងមហាសន្និបាតភាគហ៊ុនិកលើកទី៨ ឆ្នាំ២០២៥ របស់កំពង់ផែស្វយ័តក្រុងព្រះសីហនុ ដែលនឹងប្រព្រឹត្តទៅនាថ្ងៃទី ១៩ ខែមិថុនា ឆ្នាំ២០២៥ នៅសណ្ឋាគារ រ៉ាហ្វិល រ៉ូយ៉ាល់ (ភ្នំពេញ) ។ អាស្រ័យដូចបានជម្រាបជូនខាងលើ សូមសាធារណជនទាំងអស់ មេត្តាជ្រាបជាព័ត៌មាន ។