សេចក្តីលម្អិត៖: សម្រាប់ត្រីមាសទី១ ដែលបានបញ្ចប់នៅ ថ្ងៃទី៣១ ខែធ្នូ ឆ្នាំ២០២៤ ចំណូលសរុបរបស់ ផថខ មានចំនួន បានកត់ត្រាត្រឹម ១៥ ១០២ លានរៀល ដោយកើនឡើងចំនួន ៨ ៦៥១ លានរៀល ឬ ១៣៤,១០% បើប្រៀបធៀបទៅនឹងត្រីមាសទីពីរនៃឆ្នាំហិរញ្ញវត្ថុ២០២៤បានកត់ត្រាមានចំនួនត្រឹម ៦ ៤៥១លានរៀល។ គិតត្រឹម ថ្ងៃទី៣១ ខែធ្នូ ឆ្នាំ២០២៤ ទ្រព្យសកម្មសរុប មានចំនួន ៨៩៨ ៧៩៥ លានរៀល តំណាងឲ្យការថយចុះចំនួន ១៨ ៧៦០ លានរៀល ឬ ២,០៤% បើប្រៀបធៀបនឹងចំនួន ៩១៧ ៥៥៥ លានរៀលនៃការិយអន្តរកាលត្រឹមថ្ងៃទី៣០ ខែកញ្ញា ឆ្នាំ២០២៤ និង មូលធនសរុបចំនួន (៧ ៨៨៥ ) លានរៀល តំណាងឲ្យការថយចុះចំនួន ៦ ៥៩៤ លានរៀល ឬ ៥១០,៧៧% បើប្រៀបធៀបនឹងចំនួន ១ ២៩១ លានរៀល នៃការិយអន្តរកាលត្រឹមថ្ងៃទី៣០ ខែកញ្ញា ឆ្នាំ២០២៤។ សូចនករសំខាន់ៗសម្រាប់ត្រីមាសទី១ ដែលបានបញ្ចប់នៅ ថ្ងៃទី៣១ ខែធ្នូ ឆ្នាំ២០២៤ មានដូចខាងក្រោម៖ ១. អនុបាតចរន្ត៖ ១,៣៥ ដង ២. អនុបាតចរន្តលឿន៖ ១,២៥ ដង ៣. អនុបាតចំណេញធៀបនឹងទ្រព្យសកម្ម៖ (១,០១)% ៤. អនុបាតចំណេញធៀបនឹងមូលធន៖ (១១៤,៧០)% ៥. អនុបាតគម្លាតចំណេញដុល៖ ២២,៥៤% ៦. អនុបាតគម្លាតខាតភាព៖ (៥៩,៨៩)% ៧. ខាតក្នុងមួយឯកតាមូលបត្រកម្មសិទ្ធិ៖ (១២០,៦៨) រៀល