សេចក្តីលម្អិត៖: ក្នុងត្រីមាសទី៤ ឆ្នាំ២០២១ គ្រឹះស្ថានមីក្រូហិរញ្ញវត្ថុ ប្រាសាក់ ម.ក មានចំណូលការប្រាក់សរុបចំនួន ៥៣៨.៤០៣ លានរៀល កើនជាងត្រីមាសទី៤ ឆ្នាំ២០២០ ចំនួន ៦៨.៩២៦ លានរៀល ស្មើនឹង ១៤,៦៨% និងប្រាក់ចំណេញសុទ្ធសម្រាប់ការិយបរិច្ឆេទបញ្ចប់៣ខែ ក្នុងត្រីមាសទី៤ ឆ្នាំ២០២១ សរុបចំនួន ១៦៣.៤៨២ លានរៀល ថយចុះចំនួន ២៣.៦៥៨ លានរៀល ស្មើនឹង -១២,៦៤% បើប្រៀបធៀបនឹងត្រីមាសទី៤ ឆ្នាំ២០២០។ សម្រាប់រយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ២០២១ គ្រឹះស្ថានមីក្រូហិរញ្ញវត្ថុ ប្រាសាក់ ម.ក មានចំណូលការប្រាក់សរុបចំនួន ២.០៥៦.៧៥០ លានរៀល កើនចំនួន ៣០២.៣១៣ លានរៀល ស្មើនឹង ១៧,២៣% បើធៀបនឹងរយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ២០២០ និងប្រាក់ចំណេញសុទ្ធក្នុងការិយបរិច្ឆេទមានចំនួន ៦៣២.៥៧៨ លានរៀល កើនឡើងចំនួន ១៨៨.៨៨២ លានរៀល ស្មើនឹង ៤២,៥៧% បើធៀបនឹងរយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ២០២០។ នាថ្ងៃទី៣១ ខែធ្នូ ឆ្នាំ២០២១ នេះដែរ ទ្រព្យសកម្មសរុបរបស់គ្រឹះស្ថានមីក្រូហិរញ្ញវត្ថុ ប្រាសាក់ ម.ក មានចំនួន ១៧.៦០១.៧៩១ លានរៀល កើនចំនួន ២.៩៧៣.៧៥០ លានរៀល ស្មើនឹង ២០,៣៣% និងមូលធនសរុបមានចំនួន ២.៧៤៧.២៥៧ លានរៀល កើនចំនួន ៦៤៨.៥៥៧ លានរៀល ស្មើនឹង ៣០,៩០% បើធៀបនឹងថ្ងៃទី៣១ ខែធ្នូ ឆ្នាំ២០២០។ សូចនាករសំខាន់ៗសម្រាប់ត្រីមាសទី៤ ឆ្នាំ២០២១ មានដូចខាងក្រោម៖ ១. អនុបាតចំណេញធៀបនឹងមូលធនជាមធ្យមៈ ៦,៧៥% ២. អនុបាតចំណេញធៀបនឹងទ្រព្យសកម្មជាមធ្យមៈ ១,០១% ៣. អនុបាតផលបត្រឥណទានធៀបនឹងទ្រព្យសកម្មៈ ៨៦,៧៦% ៤. អនុបាតចំណាយប្រតិបត្តិការធៀបនឹងផលបត្រឥណទានជាមធ្យមៈ ១,០១% ៥. អនុបាតចំណាយធៀបនឹងចំណូលៈ ៤២,១១% ៦. អនុបាតចំណូលលើផលបត្រឥណទានជាមធ្យមៈ ៣,៩៣% ៧. អនុបាតសាធនភាពៈ ១៧,៤១% ៨. អនុបាតសន្ទនីយភាពៈ ១៦០,៣១% ៩. អនុបាតឥណទានមិនដំណើរការៈ ១,៥៤% ១០. អនុបាតប្រាក់បញ្ញើធៀបនឹងផលបត្រឥណទានៈ ៦៩,៧៧% ១១. ចំនួនអតិថិជនសេវាឥណទានៈ ៤៦៥.១៤៩ នាក់ ១២. ចំនួនអតិថិជនសេវាបញ្ញើសន្សំៈ ៦៦០.៩៧៦ នាក់ ១៣. ចំនួនបុគ្គលិកៈ ៩.៣៣០នាក់ ១៤. ចំនួនការិយាល័យៈ ១៨២ ១៥. ចំនួនម៉ាស៊ីនអេធីអឹមៈ ១៤១