សេចក្តីលម្អិត៖: សម្រាប់ការអនុវត្តក្នុងឆ្នាំ២០២៤ ចំណូលសរុបពីផលអាជីវកម្ម និងសេវាកម្មមានចំនួនសរុប ១៦៩ ៣០៥ ៤៥២ ពាន់រៀល (៤១ ៥៨៨ ១៧៣ ដុល្លារអាម៉េរិក) សម្រេចបាន ១០២,៣៦% នៃផែនការឆ្នាំ២០២៤ និងធៀបនឹងឆ្នាំ២០២៣ កើនឡើងចំនួន ២៧ ២៦៩ ៩៧២ ពាន់រៀល (៧ ០២៩ ៦៦២ ដុល្លារអាម៉េរិក) ឬស្មើនឹង +១៩,២០%។ ចំណែកប្រាក់ចំណេញសុទ្ធ ក្នុងការិយបរិច្ឆេទឆ្នាំ២០២៤ មានចំនួនសរុប ៥២ ៧៤៩ ៦៤៥ ពាន់រៀល (១២ ៩៥៧ ៤១៧ ដុល្លារអាម៉េរិក) សម្រេចបាន ១០៣,៦៦% នៃផែនការឆ្នាំ២០២៤ និងធៀបនឹងឆ្នាំ២០២៣ កើនឡើងចំនួន ១៤ ១៤៣ ៦៧៩ ពាន់រៀល (៣ ៥៦៤ ២៣៨ ដុល្លារអាម៉េរិក) ឬស្មើនឹង +៣៦,៦៤%។ គិតត្រឹមថ្ងៃទី៣១ ខែធ្នូ ឆ្នាំ២០២៤ ទ្រព្យសកម្មសរុបរបស់ ក. ស. ភ. មានចំនួន ១ ០៧៦ ០៨៤ ២២២ ពាន់រៀល (២៦៧ ៣៥០ ១១៨ ដុល្លារអាម៉េរិក) កើនឡើងចំនួន ៣៥ ២០០ ៦៨៩ ពាន់រៀល (១២ ៥៤៣ ៨៦៨ ដុល្លារអាម៉េរិក) ស្មើនឹង +៣,៣៨% និងមូលធនសរុបមានចំនួន ៨៣២ ៥១៩ ២៤៧ ពាន់រៀល (២០៦ ៨៣៧ ០៨០ ដុល្លារអាម៉េរិក) កើនឡើងចំនួន ៣៥ ៧៥៨ ៨៥៧ ពាន់រៀល (១១ ៧៩១ ៦៩៧ ដុល្លារអាម៉េរិក) ស្មើនឹង +៤,៤៩% បើធៀបនឹងការិយបរិច្ឆេទ ៣១ ធ្នូ ២០២៣។ សូចនាករសំខាន់ៗសម្រាប់ឆ្នាំ២០២៤ មានដូចខាងក្រោម៖ ១-អនុបាតចរន្ត ១,៧៣ ដង ២-អនុបាតចរន្តលឿន ១,៦៧ ដង ៣-អនុបាតចំណេញធៀបនឹងទ្រព្យសកម្ម ៤,៩០ % ៤-អនុបាតចំណេញធៀបនឹងមូលធន ៦,៣៤ % ៥-អនុបាតគំលាតចំណេញដុល ៦១,៩៨ % ៦-អនុបាតគំលាតចំណេញភាព ៣១,១៦ % ៧-ចំណេញក្នុងមួយឯកតាមូលបត្រកម្មសិទ្ធិ ២ ៥៥០,២២ រៀល ៨-អនុបាតលទ្ធភាពសងការប្រាក់ ២៦,០២ ដង