សេចក្តីលម្អិត៖: សម្រាប់រយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ ២០២៤ កំពង់ផែស្វយ័តក្រុងព្រះសីហនុ មានចំណូលសរុបចំនួន ៤៥៩.២១២.១៣៣.០០០ រៀល កើនឡើងចំនួន ៩៤.៥៧១.៣៦២.០០០ រៀល ស្មើនឹង ២៥,៩៤% បើធៀបនឹងរយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ២០២៣ និងចំណេញសុទ្ធក្នុងការិយបរិច្ឆេទចំនួន ១២៦.៧៣៣.៦២៩.០០០រៀល កើនឡើងចំនួន ៤.៧៦៨.១៣៩.០០០ រៀល ស្មើនឹង៣,៩១% បើធៀបនឹងរយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ ២០២៣។ នាថ្ងៃទី៣១ ខែធ្នូ ឆ្នាំ ២០២៤នេះដែរ ទ្រព្យសកម្មសរុបរបស់ កំពង់ផែស្វយ័តក្រុងព្រះសីហនុ មានចំនួន ១.៧៧៣.៣២៤.៦១៧.០០០រៀល កើនឡើងចំនួន ១៧០.៤៩៩.៦៧៧.០០០រៀល ស្មើនឹង ១០,៦៤% និងមូលធនសរុប មានចំនួន ១.០៦៩.៩០១.៧៧៦.០០០រៀល កើនឡើងចំនួន ៩៧.៨៥៦.៩០០.០០០ រៀល ស្មើនឹង ១០,០៧%។ សូចនករសំខាន់ៗសម្រាប់ប្រចាំឆ្នាំ២០២៤ មានដូចខាងក្រោម៖ ១-អនុបាតចរន្ត: ២,៣៨ ដង ២-អនុបាតចរន្តលឿន: ២,០៦ ដង ៣-អនុបាតចំណេញធៀបនឹងទ្រព្យសកម្ម: ៧,១៥% ៤-អនុបាតចំណេញធៀបនឹងមូលធន: ១១,៨៥% ៥-អនុបាតគំលាតចំណេញដុល: ២៦,៤២% ៦-អនុបាតគំលាតចំណេញភាព: ២៧,៦០% ៧-អនុបាតលទ្ធភាពសងការប្រាក់: ១៩,១៥ ដង ៨-ចំណេញក្នុងមួយឯកតាមូលបត្រកម្មសិទ្ធិ: ១.៤៧៧,៥៦ រៀល