សេចក្តីលម្អិត៖: ក្រុមហ៊ុន ផេសថិក (ខេមបូឌា) ម.ក (“ផថខ” ឬ “ក្រុមហ៊ុន”) មានសេចក្ដីសោមនស្ស សូមជម្រាបជូន វិនិយោគិន និងសាធារណជនទាំងឡាយ មេត្តាជ្រាបថា ផថខ បានផ្លាស់ប្ដូរឆ្នាំការិយបរិច្ឆេទគណនេយ្យរបស់ក្រុមហ៊ុនដើម្បីឲ្យស្របតាមឆ្នាំការិយបរិច្ឆេទគណនេយ្យរបស់ក្រុមហ៊ុនមេគឺ PESTECH International Berhad។ ការិយបរិច្ឆេទបិទបញ្ជីគណនេយ្យចាស់ ៖ ថ្ងៃទី៣០ ខែមិថុនា ការិយបរិច្ឆេទបិទបញ្ជីគណនេយ្យថ្មី ៖ ថ្ងៃទី៣០ ខែកញ្ញា កាលបរិច្ឆេទអនុវត្ត៖ ថ្ងៃទី១ ខែតុលា ឆ្នាំ២០២៤ កាលបរិច្ឆេទអន្តរកាល៖ ថ្ងៃទី១ ខែកក្កដា ឆ្នាំ២០២៤ ដល់ ថ្ងៃទី៣០ ខែកញ្ញា ឆ្នាំ២០២៤ ការិយបរិច្ឆេទគណនេយ្យនៃរបាយការណ៍ថ្មី របាយការណ៍ប្រចាំត្រីមាស និងរបាយការណ៍ប្រចាំឆ្នាំ ត្រីមាសទីមួយនៃឆ្នាំ២០២៥ គិតចាប់ពីថ្ងៃទី០១ ខែតុលា និងបញ្ចប់នៅថ្ងៃទី៣១ ខែធ្នូ ឆ្នាំ២០២៤ ត្រីមាសទីពីរនៃឆ្នាំ២០២៥ គិតចាប់ពីថ្ងៃទី០១ ខែមករា និងបញ្ចប់នៅថ្ងៃទី៣១ ខែមីនា ឆ្នាំ២០២៥ ត្រីមាសទីបីនៃឆ្នាំ២០២៥ គិតចាប់ពីថ្ងៃទី០១ ខែមេសា និងបញ្ចប់នៅថ្ងៃទី៣០ ខែមិថុនា ឆ្នាំ២០២៥ ត្រីមាសទីបួននៃឆ្នាំ២០២៥ គិតចាប់ពីថ្ងៃទី០១ ខែកក្កដា និងបញ្ចប់នៅថ្ងៃទី៣០ ខែកញ្ញា ឆ្នាំ២០២៥ ប្រចាំឆ្នាំ២០២៥ សម្រាប់ឆ្នាំហិរញ្ញវត្ថុដែលបញ្ចប់នៅថ្ងៃទី៣០ ខែកញ្ញា ឆ្នាំ២០២៥ ក្រុមហ៊ុននឹងរៀបចំ និងបង្ហាញរបាយការណ៍ហិរញ្ញវត្ថុតាមកាលកំណត់សម្រាប់រយៈពេលអន្តរកាលចំនួនបីខែចាប់ពីថ្ងៃទី១ ខែកក្កដា ឆ្នាំ២០២៤ ដល់ថ្ងៃទី៣០ ខែកញ្ញា ឆ្នាំ២០២៤ ស្របតាមបទប្បញ្ញត្តិជាធរមាន។ បន្ទាប់មក ឆ្នាំការិយបរិច្ឆេទហិរញ្ញវត្ថុថ្មីនឹងចាប់ពីថ្ងៃទី១ ខែតុលា ដល់ថ្ងៃទី៣០ ខែកញ្ញា ជារៀងរាល់ឆ្នាំ ដោយចាប់ផ្តើម ពីថ្ងៃទី១ ខែតុលា ឆ្នាំ២០២៤ នេះតទៅ ។ សូមវិនិយោគិន និងសាធារណជនទាំងឡាយមេត្តាជ្រាបជាព័ត៌មាន។