សេចក្តីលម្អិត៖: សម្រាប់ការិយបរិច្ឆេទអន្តរកាល ដែលបានបញ្ចប់នៅ ថ្ងៃទី៣០ ខែកញ្ញា គ.ស ២០២៤ ចំណូលសរុបរបស់ ផថខ មានចំនួន បានកត់ត្រាត្រឹម ៩ ០៥៩ លានរៀល ដោយកើនឡើងចំនួន ៤៥០ លានរៀល ឬ ៥,២% បើប្រៀបធៀបទៅនឹងត្រីមាសទី១ នៃឆ្នាំហិរញ្ញវត្ថុដែលបានបញ្ចប់នៅថ្ងៃទី៣០ ខែមិថុនា គ.ស ២០២៤ ដែលបានកត់ត្រាមានចំនួនត្រឹម ៨ ៦០៩លានរៀល។ គិតត្រឹម ថ្ងៃទី៣០ ខែកញ្ញា គ.ស ២០២៤ ទ្រព្យសកម្មសរុប មានចំនួន ៩១៧ ៥៥៥ លានរៀល តំណាងឲ្យការថយចុះចំនួន ១៣ ៥៨៦ លានរៀល ឬ ១,៥% បើប្រៀបធៀបនឹងចំនួន ៩៣១ ១៤១ លានរៀលនៃឆ្នាំហិរញ្ញវត្ថុដែលបានបញ្ចប់នៅថ្ងៃទី៣០ ខែមិថុនា គ.ស ២០២៤ និង មូលធនសរុបចំនួន (១ ២៩១) លានរៀល តំណាងឲ្យការថយចុះចំនួន ១៣ ៦៩៤ លានរៀល ឬ ១១០,៤% បើប្រៀបធៀបនឹងចំនួន ១២ ៤០៣ លានរៀល នៃការិយបរិច្ឆេទដែលបានបញ្ចប់នៅថ្ងៃទី៣០ ខែមិថុនា គ.ស ២០២៤។ សូចនករសំខាន់ៗសម្រាប់ការិយបរិច្ឆេទអន្តរកាល ដែលបានបញ្ចប់នៅ ថ្ងៃទី៣០ ខែកញ្ញា គ.ស ២០២៤ មានដូចខាងក្រោម៖ ១. អនុបាតចរន្ត៖ ០,៩៣ ដង ២. អនុបាតចរន្តលឿន៖ ០,៨៧ ដង ៣. អនុបាតចំណេញធៀបនឹងទ្រព្យសកម្ម៖ (១,១៦)% ៤. អនុបាតចំណេញធៀបនឹងមូលធន៖ (៨២៧,១៩)% ៥. អនុបាតគម្លាតចំណេញដុល៖ ៣០,២២% ៦. អនុបាតគម្លាតខាតភាព៖ (១១៧,៨៨)% ៧. ខាតក្នុងមួយឯកតាមូលបត្រកម្មសិទ្ធិ៖ (១៤២,៤៩) រៀល