សេចក្តីលម្អិត៖: ក្រុមហ៊ុន ឌី ប៊ី ឌី អ៊ិនជីនារីង ម.ក មានកិត្តិយសសូមជម្រាបជូនដំណឹងដល់ភាគហ៊ុនិក មេត្តាជ្រាបថាក្រុមហ៊ុន ឌី ប៊ី ឌី អ៊ិនជីនារីង ម.ក បានរៀបចំនីតិវិធីក្នុងការបោះឆ្នោតនៅក្នុងកិច្ចប្រជុំមហាសន្និបាតភាគហ៊ុនិកលើកទី១ នៅចំណុចដូចខាងក្រោម៖ ក. ការចុះឈ្មោះ ខ. ដំណើរការបោះឆ្នោត គ. សេចក្តីសម្រេចមហាសន្និបាតភាគហ៊ុនិក ឃ. លទ្ធផលនៃការបោះឆ្នោត ចំណាំ៖ -ភាគហ៊ុនិកមានសិទ្ធិចូលរួមបោះឆ្នោតបាន លុះត្រាតែបានបញ្ជាក់ការចូលរួមជាមួយធនាគារ អេស៊ីលីដា ភីអិលស៊ី ដែលជាភ្នាក់ងារចុះបញ្ជីផ្ទេរមូលបត្រ និងភ្នាក់ងារទូទាត់របស់ក្រុមហ៊ុន ឌី ប៊ី ឌី អ៊ិនជីនារីង ម.ក -ភាគហ៊ុនិកដែលមិនបានចុះឈ្មោះចូលរួមមហាសន្និបាតភាគហ៊ុនិកលើកទី១ទាន់ពេល នៅក្នុងកំឡុងពេលម៉ោង ៨:៣០នាទី ដល់ ៩:០០នាទីនោះទេ ភាគហ៊ុនិកនោះមានសិទ្ធិត្រឹមតែចូលរួមមហាសន្និបាតភាគហ៊ុនិកលើកទី១តែប៉ុណ្ណោះ មិនអនុញ្ញាតឱ្យចូលរួមបោះឆ្នោតនៅក្នុងមហាសន្និបាតភាគហ៊ុនិកលើកទី១របស់ក្រុមហ៊ុន ឌី ប៊ី ឌី អ៊ិនជីនារីង ម.ក នោះទេ។ អាស្រ័យហេតុនេះ សូមវិនិយោគិនទទួលជ្រាបជាព័ត៌មាន។