សម្រាប់ត្រីមាសទី១ នៃការិយបរិច្ឆេទ ២០២៣ ចំណូលសរុបរបស់ ផថខ មានចំនួន ៣២ ៧៥៦ លានរៀល ដោយថយចុះចំនួន ៤១ ៤០១ លានរៀល ឬ ៥៥,៨៣% បើប្រៀបធៀបនឹងចំនួន ៧៤ ១៥៧ លានរៀល នៃត្រីមាសទី១ នៃការិយបរិច្ឆេទ ២០២២។ បម្រែបម្រួលនៃប្រាក់ចំណូលបានឆ្លុះបញ្ចាំងពីវឌ្ឍនភាពនៃការអនុវត្តគម្រោងផ្សេងៗក្នុងប្រទេសកម្ពុជា។ នៅដំណាច់ខែកញ្ញា ឆ្នាំ២០២២ ទ្រព្យសកម្មសរុប មានចំនួន ១ ២៣៣ ៩២៣ លានរៀល តំណាងឲ្យការកើនឡើងចំនួន ៣១ ៦៤១ លានរៀល ឬ ២,៦៣% បើប្រៀបធៀបនឹងចំនួន ១ ២០២ ២៨២ លានរៀលនៃការិយបរិច្ឆេទដែលបានបញ្ចប់នៅថ្ងៃទី៣០ ខែ មិថុនា ឆ្នាំ២០២២ និង មូលធនសរុបចំនួន ១១០ ៣៥៤ លានរៀល តំណាងឲ្យការកើនឡើងចំនួន ៣៣៨ លានរៀល ឬ ០,៣១% បើប្រៀបធៀបនឹងចំនួន ១១០ ០១៦ លានរៀល នៃការិយបរិច្ឆេទដែលបានបញ្ចប់នៅថ្ងៃទី៣០ ខែ មិថុនា ឆ្នាំ២០២២។ សូចនករសំខាន់ៗសម្រាប់ត្រីមាសទី១ នៃការិយបរិច្ឆេទ ២០២៣ មានដូចខាងក្រោម៖ ១. អនុបាតចរន្ត៖ ០,៩៤ ២. អនុបាតចរន្តលឿន៖ ០,៩៣ ៣. អនុបាតចំណេញធៀបនឹងទ្រព្យសកម្ម៖ (០,៤៣%) ៤. អនុបាតចំណេញធៀបនឹងមូលធន៖ (៤,៨៣%) ៥. អនុបាតគម្លាតចំណេញដុល៖ ១៩,៩៨% ៦. អនុបាតគម្លាតចំណេញភាព៖ (១៦,២៨%) ៧. ចំណេញក្នុងមួយឯកតាមូលបត្រកម្មសិទ្ធិ៖ (៧១,១៥ រៀល) |