ក្នុងត្រីមាសទី២ ឆ្នាំ២០២៣ ក្រុមហ៊ុន ហ្រ្គេន ធ្វីន មានចំណូលសរុបចំនួន៩៥.៣១៧.៥៨៣.០០០រៀល ថយជាងត្រីមាសទី២ ឆ្នាំ២០២២ ចំនួន ៥.៥៥៩.៤២៩.០០០ រៀល ស្មើនឹង ៥,៥១% និង ចំណេញសុទ្ធក្នុងការិយបរិច្ឆេទសរុបចំនួន ២.៨៥៥.១៩៣.០០០រៀល កើនចំនួន ១.៥៤៥.៣៤៨.០០០រៀល ស្មើនឹង ១១៧,៩៨% បើធៀបនឹងត្រីមាសទី២ ឆ្នាំ២០២២។ សម្រាប់រយៈពេល ៦ខែ គិតត្រឹមថ្ងៃទី៣០ ខែមិថុនា ឆ្នាំ២០២៣ ក្រុមហ៊ុន ហ្រ្គេន ធ្វីន មានចំណូលសរុបចំនួន ១៦០.១១១.៧០៦.០០០រៀល ថយចំនួន ៥២.៧១៥.៩៤០.០០០រៀល ស្មើនឹង ២៤,៧៧% បើធៀបនឹង រយៈពេល ៦ខែ គិតត្រឹមថ្ងៃទី៣០ ខែមិថុនា ឆ្នាំ២០២២ និងចំណេញសុទ្ធក្រោយបង់ពន្ធមានចំនួន ២.៧៥៨.៤២២.០០០រៀល កើនចំនួន ៣៣១.៦៧៨.០០០រៀល ស្មើនឹង ១៣,៦៧% បើធៀបនឹងរយៈពេល ៦ខែ គិតត្រឹមថ្ងៃទី៣០ ខែមិថុនា ឆ្នាំ២០២២។ នាថ្ងៃទី៣០ ខែ មិថុនា ឆ្នំា២០២៣ នេះដែរ ទ្រព្យសកម្មសរុបរបស់ក្រុមហ៊ុន ហ្រ្គេន ធ្វីន មានចំនួន ៣៥៤.២៦៩.០២៩.០០០រៀល កើនចំនួន ៤.៥៨០.២៣០.០០០ រៀល ស្មើនឹង ១,៣១% និងមូលធនសរុប មានចំនួន ២៨៧.២៤៦.៤៨១.០០០ រៀល កើនចំនួន ១.៩២៦.៩៨៥.០០០ រៀល ស្មើនឹង ០,៦៨% ។ សូចនករសំខាន់ៗសម្រាប់ត្រីមាសទី២ ឆ្នាំ២០២៣ ១-អនុបាតចរន្ត ៤,២២ដង ២-អនុបាតចរន្តលឿន ២,៧២ដង ៣-អនុបាតចំណេញធៀបនឹងទ្រព្យសកម្ម ០,៨១% ៤-អនុបាតចំណេញធៀបនឹងមូលធន ០,៩៩% ៥-អនុបាតគំលាតចំណេញដុល ១១,៧៩% ៦-អនុបាតគំលាតចំណេញភាព ៣,០០% ៧-ចំណេញក្នុងមួយឯកតាមូលបត្រកម្មសិទ្ធិ ៧១,៣៨ រៀល |