សម្រាប់ការអនុវត្តក្នុងឆ្នាំ២០២៣ កំពង់ផែស្វយ័តភ្នំពេញ (ក. ស. ភ. ) មានចំណូលសរុបពីផលអាជីវកម្ម និងសេវាកម្មមានចំនួនសរុប ១៤២.០៣៥.៤៨០ ពាន់រៀល (៣៤.៥៥៨.៥១១ ដុល្លារអាមេរិក) សម្រេចបាន ៨១,៤១% នៃផែនការឆ្នាំ២០២៣ និងធៀបនឹងឆ្នាំ២០២២ ថយចុះចំនួន ៦.៧៨០.០៨៧ ពាន់រៀល (១.៨៥៣.៤២១ ដុល្លារអាមេរិក) ឬស្មើនឹង -៤,៥៦%។ ចំណែកប្រាក់ចំណេញសុទ្ធក្នុងការិយបរិច្ឆេទ ឆ្នាំ២០២៣ មានចំនួនសរុប ៣៨.៦០៥.៩៦៦ ពាន់រៀល (៩.៣៩៣.១៧៩ ដុល្លារអាមេរិក) សម្រេចបាន ៥៧,៨៦% នៃផែនការឆ្នាំ២០២៣ និងធៀបនឹងឆ្នាំ២០២២ ថយចុះចំនួន ២០.៦៨៧.៧២៤ ពាន់រៀល (៥.១១៤.៦៩៧ ដុល្លារអាមេរិក) ឬស្មើនឹង -៣៤,៨៩%។ នាថ្ងៃទី៣១ ខែធ្នូ ឆ្នាំ២០២៣ ទ្រព្យសកម្មសរុបរបស់ ក. ស. ភ. មានចំនួន ១.០៤០.៨៨៣.៥៣៣ (២៥៤.៨០៦.២៥០ ដុល្លារអាមេរិក) កើនឡើងចំនួន ២៩.៩៧៥.៤៤៨ ពាន់រៀល (៩.២៦១.៤១៥ ដុល្លារអាមេរិក) ស្មើនឹង ២,៩៧% និងមូលធនសរុបមានចំនួន ៧៩៦.៧៦០.៣៩០ ពាន់រៀល (១៩៥.០៤៥.៣៨៣ ដុល្លារអាមេរិក) កើនឡើងចំនួន ២៧.០៦៨.៧៦១ ពាន់រៀល (៨.០៩០.៨៩៤ ដុល្លារអាមេរិក) ស្មើនឹង ៣,៥២% បើធៀបនឹងនាថ្ងៃទី៣១ ខែធ្នូ ឆ្នាំ២០២២។ សូចនាករសំខាន់ៗសម្រាប់ឆ្នាំ២០២៣ មានដូចខាងក្រោម៖ ១-អនុបាតចរន្ត: ១,៤៤ ដង ២-អនុបាតចរន្តលឿន: ១,៣៥ ដង ៣-អនុបាតចំណេញធៀបនឹងទ្រព្យសកម្ម: ៣,៧១% ៤-អនុបាតចំណេញធៀបនឹងមូលធន: ៤,៨៥% ៥-អនុបាតគំលាតចំណេញដុល: ៦២,១៤% ៦-អនុបាតគំលាតចំណេញភាព: ២៧,១៨ % ៧-ចំណេញក្នុងមួយឯកតាមូលបត្រកម្មសិទ្ធិ: ១.៨៦៦,៤៣ រៀល |