|
របាយការណ៍ហិរញ្ញវត្ថុសង្ខេបចន្លោះពេល របស់សម្ព័ន្ធធនាគារ អេស៊ីលីដា ភីអិលស៊ីត្រូវបានរៀបចំឡើងដោយអនុលោមទៅតាមស្តង់ដាររបាយការណ៍ហិរញ្ញវត្ថុអន្តរជាតិនៃកម្ពុជា(ស.រ.ហ.អ.ក)។ សម្រាប់ត្រីមាសទី៤ឆ្នាំ២០២០ សម្ព័ន្ធធនាគារអេស៊ីលីដា ភីអិលស៊ីទទួលបានចំណូលសរុបចំនួន ៦២២,០៥ប៊ីលានរៀល កើនឡើងចំនួន ៥៥,៨៦ ប៊ីលានរៀល ស្មើនឹង ៩,៨៧%ធៀបទៅនឹងចំណូលសរុបក្នុងត្រីមាសទី៤ ឆ្នាំ២០១៩និងប្រាក់ចំណេញចំនួន ១៧៥,២៧ប៊ីលានរៀល ដែលកើនឡើងចំនួន ៣៣,១៧ ប៊ីលានរៀល ស្មើនឹង ២៣,៣៤%ធៀបនឹងត្រីមាសទី៤ឆ្នាំ២០១៩។ គិតត្រឹមដំណាច់ការិយបរិច្ឆេទ ថ្ងៃទី៣១ ខែធ្នូ ឆ្នាំ២០២០ទ្រព្យសកម្មសរុបរបស់សម្ព័ន្ធធនាគារ អេស៊ីលីដា ភីអិលស៊ី មានចំនួន ២៦,៥០ទ្រីលានរៀល ដែលកើនឡើងចំនួន ១,៣៤ទ្រីលានរៀល ស្មើនឹង ៥,៣១%និងមូលធនសរុបចំនួន ៤,៤១ទ្រីលានរៀល កើនឡើងចំនួន៤៧៧,៣៥ ប៊ីលានរៀល ស្មើនឹង ១២,១៥%ធៀបនឹងចុងការិយបរិច្ឆេទខែធ្នូ ឆ្នាំ២០១៩។ សូចនាករសំខាន់ៗនៅក្នុងត្រីមាសទី៤ឆ្នាំ២០២០ មានដូចខាងក្រោម៖ ចំណេញធៀបនឹងមូលធនមធ្យម(*):៤,០៧% ចំណេញធៀបនឹងទ្រព្យសកម្មមធ្យម(*):០,៦៧% ចំណូលការប្រាក់ធៀបនឹងឥណទានដុលសរុប: ៣,០១% ចំណាយប្រតិបត្តិការធៀបនឹងឥណទានដុលសរុប: ១,៣១% ឥណទានដុលសរុបធៀបនឹងទ្រព្យសកម្មសរុប: ៦៨,៧៩% ឥណទានដុលសរុបធៀបនឹងប្រាក់បញ្ញើសរុប: ៩៧,៧៣% ឥណទានមិនដំណើរការដុលសរុបធៀបនឹងឥណទានដុលសរុប():២,៤០% អនុបាតសាធនភាព: ២៥,១៦% អនុបាតក្របខ័ណ្ឌសន្ទនីយភាពៈ ១៤៩,៣១% (*)អនុបាតទាំងនេះមិនមែនជាអនុបាតប្រចាំឆ្នាំនោះទេហើយត្រូវបានគណនាដោយប្រើតួលេខលទ្ធផលលម្អិតសរុប រយៈពេល ៣ខែចាប់ពីថ្ងៃទី០១ ខែតុលា ដល់ថ្ងៃទី៣១ ខែធ្នូ ឆ្នាំ២០២០។ ()ឥណទានមិនដំណើរការ= ឥណទាននៅដំណាក់កាលទី៣ ចំនួនបុគ្គលិក (ធនាគារ និងក្រុមហ៊ុនបុត្រសម្ព័ន្ធ): ១៣.៧០៤នាក់ |
បានបង្ហោះនៅថ្ងៃទី 11-Feb-2021
Quarterly Report Q4-KH V11 2021 02 09 (FINAL).pdf
Signed - ACLEDA_Audit_CIFRS FS Q4 2020_Khmer_20201-02-08.pdf
