| សម្រាប់ការអនុវត្តក្នុងត្រីមាសទី១ ឆ្នាំ២០២៣ ចំណូលសរុបពីផលអាជីវកម្ម និងសេវាកម្មមានចំនួន ៣០.៧៦១.៣២១ ពាន់រៀល (៧.៥៣២.១៥៥ ដុល្លារអាមេរិក) សម្រេចបាន ១៧,៦៣% នៃការគ្រោងផែនការឆ្នាំ២០២៣ បើធៀបនឹងត្រីមាសទី១ ឆ្នាំ២០២២ ថយចុះចំនួន ៥.៥៣៤.១៨៩ ពាន់រៀល (១.៤០១.០២៥ ដុល្លារអាមេរិក) ឬស្មើនឹង -១៥,២៥%។ ចំណែកប្រាក់ចំណេញសុទ្ធក្នុងការិយបរិច្ឆេទក្នុងត្រីមាសទី១ ឆ្នាំ២០២៣ មានសរុបចំនួន ៧.៩៥៥.៣៧៣ ពាន់រៀល (១.៩៤៧.៩៣៧ ដុល្លារអាមេរិក) សម្រេចបាន ១១,៩២% នៃការគ្រោងផែនការឆ្នាំ២០២៣ និងធៀបនឹងត្រីមាសទី១ ឆ្នាំ២០២២ ថយចុះចំនួន ៦.៤៣៤.០៦៩ ពាន់រៀល (១.៥៩៣.៦៤៤ ដុល្លារអាមេរិក) ឬស្មើនឹង -៤៤,៧១%។ នាថ្ងៃទី៣១ ខែមីនា ឆ្នាំ២០២៣ នេះដែរ ទ្រព្យសកម្មសរុបរបស់ ក.ស.ភ. មានចំនួន ៩៩៥.៣១២.៣៩៦ ពាន់រៀល (២៤៥.៥១៣.៦៦៤ ដុល្លារអាមេរិក) ថយចុះចំនួន ១៩.៣៤៦.០៧៣ ពាន់រៀល (៩៤២.១២២ ដុល្លារអាមេរិក) ស្មើនឹង -១,៩១% និងមូលធនសរុបមានចំនួន ៧៦២.២៧២.៩៨៦ ពាន់រៀល (១៨៨.០២៩.៨៤៣ ដុល្លារអាមេរិក) ថយចុះចំនួន ៨.៥២៧.៨៧០ ពាន់រៀល (៨០៥.៩២៨ ដុល្លារអាមេរិក) ស្មើនឹង -១,១១% បើធៀបនឹងថ្ងៃទី៣១ ខែធ្នូ ឆ្នាំ២០២២។ សូចនាករសំខាន់ៗសម្រាប់ត្រីមាសទី១ ឆ្នាំ២០២៣ មានដូចខាងក្រោម៖ ១-អនុបាតចរន្ត ១,១៨ ដង ២-អនុបាតចរន្តលឿន ១,0៩ ដង ៣-អនុបាតចំណេញធៀបនឹងទ្រព្យសកម្ម ០,៨០ % ៤-អនុបាតចំណេញធៀបនឹងមូលធន ១,០៤ % ៥-អនុបាតគំលាតចំណេញដុល ៥៤,៧៣ % ៦-អនុបាតគំលាតចំណេញភាព ២៥,៨៦ % ៧-ចំណេញក្នុងមួយឯកតាមូលបត្រកម្មសិទ្ធិ ៣៨៤,៦១ រៀល |
