៤ - មូលហេតុ
|
ធនាគារ (ធនាគារ អេស៊ីលីដា ភីអិលស៊ី និងក្រុមហ៊ុនបុត្រសម្ព័ន្ធ) សម្រេចបាននូវសមិទ្ធផលល្អប្រសើរសម្រាប់ឆ្នាំ២០២៣ សមិទ្ធផលនេះ រួមមានការកើនឡើងនូវប្រាក់ចំណូលសរុបចំនួន១១,៩៤% និងប្រាក់ចំណេញប្រតិបត្តិការចំនួន ១៤,៩២%។ ការកើនឡើងនូវភាពជឿជាក់របស់អតិថិជនមកលើធនាគារ ធ្វើឱ្យប្រាក់បញ្ញើនៅដំណាច់ឆ្នាំ២០២៣ កើនឡើងដល់ ៧,២៣ ប៊ីលានដុល្លារអាមេរិក ដែលបានកើនឡើងចំនួន ៨៣៨,៨២ លានដុល្លារអាមេរិក ឬ ១៣,១៣% ពីដំណាច់ឆ្នាំ២០២២។ ដោយអនុវត្តតាមបទប្បញ្ញត្តិទាក់ទងនឹងការធ្វើចំណាត់ថ្នាក់ឥណទាន និងដើម្បីភាពរឹងមាំ និងការទប់ទល់រាល់ហានិភ័យ ដែលអាចជះឥទ្ធិពលដល់ឥណទាន និងបុរេប្រទានដល់អតិថិជន ជាពិសេសហានិភ័យដែលអាចកើតចេញពីកូវីដ-១៩, ធនាគារបានបង្កើននូវសំវិធានធននៃការខាតបង់ឱនភាពនៃតម្លៃចំនួន ២១,១០ លានដុល្លារអាមេរិក ធៀបនឹងឆ្នាំ២០២២។ ជាលទ្ធផល ប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារ នៅក្នុងឆ្នាំ២០២៣ សម្រេចបាន ១៤៨,០៥ លានដុល្លារអាមេរិក (ឬ ៦០៨,៥១ ប៊ីលានរៀល)។
|