សេចក្តីលម្អិត៖: ក្រុមហ៊ុន ហ្គ្រេន ធ្វីន អ៊ិនធើណេសិនណល (ខេមបូឌា) ភីអិលស៊ី (“ក្រុមហ៊ុន”) មានកិត្តិយសសូមជម្រាបជូនដំណឹងដល់វិនិយោគិន និងសាធារណជនទាំងអស់ មេត្តាជ្រាបថា៖ ដោយសារមូលហេតុដូចមានរៀបរាប់ខាងក្រោមនេះ ក្រុមហ៊ុនពុំអាចបង្ហាញជូនរបាយការណ៍ត្រីមាសទី១ ឆ្នាំ២០២៥ បានទាន់ពេលកំណត់ អនុលោមតាមបទប្បញ្ញត្តិមូលបត្រ។ ក្រុមហ៊ុននឹងបង្ហាញរបាយការណ៍នេះ ជូនវិនិយោគិន និងសាធារណជន យ៉ាងយូរបំផុតត្រឹមថៃ្ងទី០៩ ខែមិថុនា ឆ្នាំ២០២៥៖ ១- ក្នុងអំឡុងពេលបិទបញ្ជីគណនេយ្យសម្រាប់ត្រីមាសទី១ ឆ្នាំ២០២៥ ក្រុមហ៊ុនត្រូវឈប់សម្រាកបុណ្យចូលឆ្នាំខ្មែរប្រពៃណីជាតិ ចំនួនមួយសប្តាហ៏ ក្នុងខែមេសាកន្លងទៅនេះ។ ២- ដោយសារការផ្លាស់ប្តូរក្រុមហ៊ុនសវនកម្មឯករាជ្យថ្មី ដូច្នេះក្រុមហ៊ុនសវនកម្មឯករាជ្យថ្មីនេះ ត្រូវការពេលវេលាក្នុងការស្វែងយល់ពីក្រុមហ៊ុន និងត្រួតពិនិត្យឯកសារពាក់ព័ន្ធនានាច្រើនជាងមុនសម្រាប់ដំណើរការនេះ។ អាស្រ័យដូចមានជម្រាបជូនខាងលើ សូមវិនិយោគិន និងសាធារណជន ទទួលជ្រាបជាព័ត៌មាន។