សេចក្តីលម្អិត៖: ក្នុងឆ្នំា២០២០ រដ្ឋាករទឹកស្វយ័តក្រុងភ្នំពេញ (រ.ទ.ស.ភ) មានចំណូលសរុបចំនួន ៣២៤.៣៦៧.៨៥៦.០០០រៀល កើនឡើងជាងឆ្នំា២០១៩ ចំនួន ១០៧.៨៧១.០៤០.០០០រៀល ឬ ៤៩,៨៣% និងចំណេញសុទ្ធក្នុងការិយបរិច្ឆេទសរុបចំនួន ៨៨.៣៥១.៨៤៥.០០០រៀល កើនឡើងចំនួន ៥៥.០៥៩.៩៣២.០០០រៀល ឬ ១៦៥,៣៩% បើធៀបនឹងឆ្នំា២០១៩។ នាថ្ងៃទី៣១ ខែធ្នូ ឆ្នំា២០២០ នេះដែរ ទ្រព្យសកម្មសរុបរបស់ រ.ទ.ស.ភ មានចំនួន ១.៨៦៤.៦១៨.១៤០.០០០រៀល កើនឡើងចំនួន ២៦០.២៧៤.២១៨.០០០រៀល ឬ ១៦,២២% និងមូលធនសរុបមានចំនួន ៩៨២.០៥២.៦៥៧.០០០រៀល កើនឡើងចំនួន ៦៨.៣៤៨.០១៨.០០០រៀល ឬ ៧,៤៨%។ អនុបាតហិរញ្ញវត្ថុសម្រាប់ឆ្នាំ២០២០ មានដូចខាងក្រោម៖ ១. អនុបាតសន្ទនីយភាព : ១.១ អនុបាតចរន្ត : ១,០៨ ដង ១.២ អនុបាតចរន្តលឿន : ០,៦៨ ដង ២. អនុបាតចំណេញភាព : ២.១ អនុបាតចំណេញធៀបនឹងទ្រព្យសកម្ម : ៥,០៩ % ២.២ អនុបាតចំណេញធៀបនឹងមូលធន : ៩,៣២ % ២.៣ អនុបាតគម្លាតចំណេញដុល : ៣៩,៩៥ % ២.៤ អនុបាតគម្លាតចំណេញភាព : ២៧,២៤ % ២.៥ ចំណេញក្នុងមួយឯកតាមូលបត្រកម្មសិទ្ធិ : ១.០១៥,៨៥ រៀល ៣. អនុបាតលទ្ធភាពសងការប្រាក់ : ៧,៨៧ ដង សម្រាប់ឆ្នាំ ២០២១ រ.ទ.ស.ភ រំពឹងថានឹងទទួលបានចំណេញពិតប្រមាណ ១០៣.៧៤២.៥០៤.០០០រៀល ដូចដែលក្រុមប្រឹក្សាភិបាល និងក្រសួងអាណាព្យាបាលទាំងពីរបានអនុម័ត។